ՀԾԿ հանձնաժողովն էլեկտրաէներգիայի սակագինը հաստատեց 38 դրամ/կՎտժ
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետության հանրային ծառայությունները կարգավորող հանձաժողովը միաձայն հաստատեց էլեկտրաէներգիայի նոր սակագինը՝ ցերեկային ժամերի համար 38 դրամ՝ մեկ կիլովատտ ժամի դիմաց, գիշերային ժամերի համար՝ 28 դրամ/կՎտժ: «Արմենպրես»-ի հաղորդմամբ՝ նոր սակագինն ուժի մեջ կմտնի հուլիսի 7-ից:
Հանձնաժողովը հունիսի 7-ի նիստին հազար խորանարդ մետր գազի համար սահմանել է 156 հազար դրամ սակագին: Հազար խորանարդ մետրից ավելի սպառողները կվճարեն 276.98 դոլար:
Երբ «ՀայՌուսգազարդ» ՓԲԸ-ն և «ՀայՌուսգազարդ» ՓԲԸ «Տրանսգազ» ՍՊԸ-ն դիմեցին ՀՀ հանրային ծառայությունները կարգավորող հանձնաժողովին` առաջարկելով գազի սակագինը 132 000 դրամիցբարձրացնել 221 000 դրամի, հանձնաժողովը որոշեց վերանայել նաեւ էլեկտրաէներգիայի գինը: Հայաստանի կառավարությունը հայտարարեց, որ 30 տոկոսով կսուբսիդավորի գազի սակագինը` միաժամանակ պահպանելով անապահով ընտանիքների կողմից սպառած բնական գազիհամապատասխան քանակության համար փոխհատուցումը:
Հանձնաժողովի դիմաց ընթանում է գազի թանկացման դեմ հանդես եկող ակտիվիստների ցույցը: Նրանք պահպանջում են անփոփոխ թողնել գազի սակագինը:
Բաժանորդագրվեք մեր ալիքին Telegram-ում