1000х90.jpg (78 KB)

Երևանում՝ 11:07,   29 Մարտ 2024

Տիգրան Սարգսյանը և Դմիտրի Մեդվեդևը խոսել են Մաքսային միությանը Հայաստանի հնարավոր ինտեգրման մասին

Տիգրան Սարգսյանը և Դմիտրի Մեդվեդևը խոսել են Մաքսային միությանը Հայաստանի 
հնարավոր ինտեգրման մասին

ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Հայաստանի եւ Ռուսաստանի վարչապետներ Տիգրան Սարգսյանն ու Դմիտրի Մեդվեդեւը քննարկել են երկկողմ առեւտրատնտեսական հարաբերություններին վերաբերող հարցեր: Ինչպես հաղորդում է «Արմենպրես»-ը` վկայակոչելով ՌԴ կառավարության պաշտոնական կայքը, հանդիպումը կայացել է Մինսկում ԱՊՀ երկրների կառավարությունների ղեկավարների խորհրդի հերթական նիստի շրջանակներում: «Մենք քննարկել ենք նաեւ Մաքային միությանը եւ ինտեգրացիոն գործընթացներին վերաբերող հարցեր: Հայաստանն, ընդհանուր առմամբ, ցանկանում է դրան մասնակցություն ունենալ: Մեզ համար եւս դա կարեւոր է: Անհրաժեշտ է միայն գտնել համագործակցության պատշաճ ձեւաչափ»,-նշել է Մեդվեդեւը:

Տիգրան Սարգսյանը պատասխանել է, որ պաշտոնական Երևանի դիրքորոշումը «հստակ է, և ոչ մի կասկած չկա»: «Այժմ արդեն տեխնիկական մակարդակով պետք է հստակեցնել` ինչպիսի տեմպերով և քայլերով գնալ առաջ»,- ասել է Տիգրան Սարգսյանը:

Հայաստանի վարչապետն ավելացրել է, որ Մինսկում Եվրասիական տնտեսական հանձնաժողովի նախագահ Վիկտոր Խրիստենկոյի հետ քննարկել է միությանն ինտեգրվելուն ուղղված հուշագրին առնչվող հարցեր: «Կա փոխըմբռնում, որ անհրաժեշտ է արագ պատրաստել այդ հուշագիրը, այն համաձայնեցնել նախագահների հետ և ստորագրել»,- ասել է Տիգրան Սարգսյանը:

Նա նաև Դմիտրի Մեդվեդևին ներկայացրել է «Ռոսատոմ»-ի ղեկավար Սերգեյ Կիրիենկոյի հետ բանակցությունների մանրամասները: «Մենք լիակատար փոխըմբռնում ունենք ատոմային նոր էներգաբլոկի կառուցման ֆինանսավորման հարցում»,- ասել է ՀՀ վարչապետը:

ՀՀ վարչապետ Տիգրան Սարգսյանի գլխավորած կառավարական պատվիրակությունը Մինսկում մասնակցել է ԱՊՀ երկրների կառավարությունների ղեկավարների խորհրդի հերթական նիստին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]