Ժամանակը Երևանում՝ 11:07:36,   21 Հուլիս

ԱԱԽ քարտուղարի համոզմամբ` գազի սակագնի հետ կապված հայ-ռուսական փոխօգնության մեխանիզմներ կգտնվեն


ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Հայ-ռուսական ռազմավարական գործակցության շրջանակներում գազի սակագնի հետ կապված փոխօգնության մեխանիզմներ կգտնվեն: Այդ մասին մայիսի 30-ին լրագրողների հետ հանդիպմանն ասաց ՀՀ Ազգային անվտանգության խորհրդի քարտուղար Արթուր Բաղդասարյանը՝ անդրադառնալով գազի սակագնի բարձրացման ու հայ-ռուսական ռազմավարական հարաբերություններին: «Գազի սակագնի հետ կապված  փոխադարձ աջակցության ինչ-որ մեխանիզմներ կգտնվեն, եւ մեր պետությունը  համապատասխան քայլեր կիրականացնի մեղմելու համար գազի բարձրացող սակագինը  հատկապես սոցիալապես անապահով խավերի համար»,- ասաց ԱԱԽ քարտուղարը՝ հավելելով, որ մեղմումը էական կլինի: Բաղդասարյանը նշեց, որ գազի սակագնի առումով Հայաստանն ավելի լավ վիճակում է, քան` շատ այլ երկրներ: Նա կարեւորեց տնտեսության զարգացման բարձր տեմպերի անհրաժեշտությունը թանկացումների ազդեցությունը մեղմելու հարցում:

«Արմենպրես»-ի փոխանցամբ՝  ԱԱԽ քարտուղարը հայ-ռուսական հարաբերությունները փայլուն եւ դրական է գնահատում` ընդգծելով բազմաթիվ ոլորտներում գործակցության մասին: «Բոլոր ոլորտներում հայ-ռուսական ռազմավարական գործակցությունն արդյունավետ զարգանում է»,- վստահեցրեց Բաղդասարյանը՝ հավելելով, որ հունիսին Ռուսաստանից երկու բարձրաստիճան պաշտոնյաների այցեր կլինեն Հայաստան:

«ՀայՌուսգազարդ» ՓԲԸ-ն և «ՀայՌուսգազարդ» ՓԲԸ «Տրանսգազ» ՍՊԸ-ն դիմել են ՀՀ հանրային ծառայությունները կարգավորող հանձնաժողով` առաջարկելով գազի սակագինը 132 000 դրամից բարձրացնել 221 000 դրամի: Հանրային ծառայությունները կարգավորող հանձնաժողովը նպատակահարմար է համարել մեկ խորանարդ մետր գազի համար սահմանել 156 դրամ սակագին: Մայիսի 15-ի առավոտյան քաղաքացիները հավաքվել էին Կառավարության շենքի մոտ` գազի թանկացումը թույլ չտալու պահանջով: Քաղաքացիները նախատեսում են բողոքի ակցիաները շարունակական դարձնել, ալիքը տարածել նաեւ մարզերում: Մայիսի 29-ին ակտիվիստները խոչընդոտել են գազի գնի հետ կապված քննարկումների անցկացումը Հանրային ծառայությունները կարգավորող հանձնաժողովում: 




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ