«Երևանյան բեսթսելլեր» 14. «Քարե երազներ» վեպի հայերեն թարգմանությունը մեծ հետաքրքրություն է առաջացրել
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: «Արմենպրես» լրատվական գործակալության «Երևանյան բեսթսելլեր» հեղինակային նախագծում այս շաբաթ եւս գրանցվել է ռեկորդային ցուցանիշ: Վերջին շրջանում մեծ աղմուկ բարձրացրած ադրբեջանցի գրող Աքրամ Այլիսլիի «Քարե երազներ» վեպ-ռեքվիեմի` հայերեն թարգմանությունների երեք տարբեր հրատարակությունները զբաղեցրել են տարբեր հորիզոնականներ: Առաջատարի դիրքում «Գրաբեր» հրատարակչության հրատարակած «Քարե երազներ» վեպի հայերեն տարբերկան է:
Բեսթսելլերի երկրորդ հորիզոնականում հայ երիտասարդ գրող Արմենուհի Սիսյանի «Հեյ, Նոյ» ստեղծագործությունն է: Վարկանիշային աղյուսակի երրորդ հորիզոնականում կրկին Աքրամ Այլիսլիի նույն գրքի` այս անգամ արդեն «Էդիտ պրինտ» հրատարակչության հրատարակած «Քարակերտ երազներ» թարգմանությունն է: Չորրորդ հորիզոնականում «Մաշան և արջը» մուլտֆիմի սյուժեի հայերեն թարգմանական-գրական գործն է: Շաբաթվա ամենաշատ գնված գրքերի հինգերորդ հորիզոնականում Աքրամ Այլիսլիի գրքի` արդեն «Նորք» հրատարակչության հրատարակած «Քարե երազներ» վեպն է:
Ամեն շաբաթ աղյուսակում տեղ գտած Գրիգոր Նարեկացու «Մատյան ողբերգության» պոեմը զբաղեցնում է վեցերորդ հորիզոնականը, որին հաջորդում է ամերիկացի գրող Գաբրիել Գարսիա Մարկեսի «Վերհիշելով իմ տխուր պոռնիկներին» ստեղծագործությունն է: Ութերորդ հորիզոնականում շվեդ գրող, արձակագիր Աստրիդ Լինդգրենի «Երկարագուլպա Պիպին» հեքիաթն է, որին հաջորդում է հայ մեծանուն գրող Հովհաննես Թումանյանի հեքիաթների ժողովածուն: Գործակալության վարկանիշային աղյուսակը եզրափակում է հայ գրող Մարկ Արենի` «Այնտեղ, որտեղ ծաղկում են վայրի վարդեր. Անատոլիական պատմություն» գիրքը:
«Երևանյան բեսթսելլեր» նախագիծը, որը հետաքրքրություն է առաջացրել գրողների, հրատարակչությունների և ընթերցողների շրջանում, շարունակվում է հրապարակվել «Գրական թերթ» շաբաթաթերթում: Ամենաշատ գնված հայերեն գեղարվեստական գրքերի ցանկը պատրաստվել է երևանյան յոթ գրախանութների հետ համագործակցության արդյունքում: Հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ Գիրք» («Մեկ պրինտ») (58-30-59), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական ու ուսումնական բնույթի գրքերն ու դասագրքերը: «Արմենպրես»-ն ընդլայնելու է հարցումների ցանցը` ներառելով նոր գրախանութներ, տվյալներն առավել համակողմանի ու հետաքրքական դարձնելու նպատակով:
Տեղ | Փոփ. | Գիրք | Հրատ. | Քանակ | |
1 | նոր |
Աքրամ Այլիսլի «Քարե երազներ» |
Գրաբեր | 106 | |
2 | նոր |
Արմենուհի Սիսյան «Հեյ, Նոյ» |
Գրական էտալոն | 87 | |
3 | նոր |
Աքրամ Այլիսլի «Քարակերտ երազներ» |
Էդիտ պրինտ | 79 | |
4 | -2 | «Մաշան և արջը» | Բուկինիստ | 56 | |
5 | նոր |
Աքրամ Այլիսլի «Քարե երազներ» |
Նորք | 15 | |
6 | -1 |
Գրիգոր Նարեկացի «Մատյան ողբերգության» |
Նաիրի | 13 | |
7 | -3 |
Գաբրիել Գարսիա Մարկես «Վերհիշելով իմ տխուր պոռնիկներին» |
9 | ||
8 | +2 |
Աստրիդ Լինդգրեն «Երկարագուլպա Պիպին» |
Զանգակ | 10 | |
9 | -2 |
Հովհաննես Թումանյան |
Արևիկ | 8 | |
10 | -3 |
Մարկ Արեն «Այնտեղ, որտեղ ծաղկում են վայրի վարդեր. Անատոլիական պատմություն» |
Տիգրան Մեծ | 7 |
Բաժանորդագրվեք մեր ալիքին Telegram-ում