«Արմենպրես»-ը փոփոխություն է կատարել կայքի լրատվական հրապարակումների օգտագործման կարգում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: «Արմենպրես» լրատվական գործակալությունը փոփոխություն է կատարել կայքի լրատվական հրապարակումների օգտագործման կարգում: Փոփոխության պատճառը մեր բաժանորդների օրինական շահերի պաշտպանությունն է: Նոր կարգում նշվում է. «սույն կայքում տեղ գտած լրատվական հրապարակումների հեղինակային իրավունքը պատկանում է բացառապես «Արմենպրես» լրատվական գործակալությանը։ Կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում կայքի հրապարակումների (մասնակի կամ ամբողջական) վերահրապարկման համար անհրաժեշտ է «Արմենպրես» լրատվական գործակալության գրավոր թույլտվությունը։ Խախտում թույլ տված անձինք կենթարկվեն պատասխանատվության օրենքով սահմանված կարգով: Կայքում արտահայտված կարծիքները պարտադիր չէ, որ համընկնեն խմբագրության տեսակետի հետ»:
Փոփոխությունը չի ազդում գործակալության բաժանորդների վրա: Նման կարգով աշխատում են աշխարհի առաջատար լրատվական գործակալությունները: Համանման կարգ է կիրառում օրինակ news.am լրատվական կայքը:
Բաժանորդագրվեք մեր ալիքին Telegram-ում