Թբիլիսիում 18-ամյա հայ մոդելի են խեղդամահ արել
17:20, 2 Փետրվար 2013
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Թբիլիսիում 18-ամյա հայ մոդելի են խեղդամահ արել: Մարիամ Հարությունովային սպանել են սեփական տան շենքի շքամուտքում: «Արմենպրես»-ի փոխանցմամբ` այդ մասին գրում է «Գռուզիա օնլայն»-ը: Մոդելի հարեւանների տրամադրած տեղեկությունների համաձայան` աղջկան սպանել է մի երիտասարդ, ով սպանությունից հետո փորձել է ինքնասպանություն գործել: Նրան տեղափոխել են հիվանդանոց:
Սա հաստատել է նաեւ սպանվածի մայրը` հայտարարելով, որ իր դուստրը սիրահարված չի եղել եւ մերժել է բոլոր նրանց, ովքեր եկել են «իր ձեռքը խնդրելու»:
Մայրը նաեւ այն կարծիքն է հայտնել, որ հենց իր մերժած տղամարդկանցից մեկն էլ իրականացրել է արարքը: Մարիամն ապրում էր իր մոր եւ եղբոր հետ:
Բաժանորդագրվեք մեր ալիքին Telegram-ում