Ապարանում անցկացվեց Հին Նոր տարվա ավանդական տոնակատարությունը
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Ապարան քաղաքում հունվարի 13-ին տեղի ունեցավ «Ապարանյան Հին Նոր տարի» ամենամյա տոնակատարությունը: Ինչպես հաղորդում է «Արմենպրես»-ը՝ շնորհավորանքի խոսքերով հանդես եկան Ապարանի քաղաքապետ Գոռ Աբրահամյանը, մարզպետ Սարգիս Սահակյանը, հոգևոր այրեր, գրողների միության նախագահ Լեւոն Անանյանը, պատգամավոր Վրեժ Մարկոսյանը, «Նիգ-Ապարան» հայրենակցական միության պատվավոր նախագահ Աղվան Հովսեփյանը և այլք: Ավանդական խարույկի շուրջ անցկացվեց շուրջպար: Տոնակատարությունն ուղեկցվում էր սիրված երգիչների և համույթների երգ ու պարով: Միջոցառումը կազմակերպել էին «Նիգ-Ապարան» հայրենակցական միությունը և Ապարանի քաղաքապետարանը:
Հին տոմարով նոր տարին նշվում է հունվարի 14-ին, որը համարժեք է հունվարի 1-ին: Արարատյան Հայրապետական թեմը նաև մեկնաբանում է, որ հին և նոր տոմարների միջև տարբերությունը 13 օր է: Հին տոմարով նոր տարին նշվում է հունվարի 14-ին, որը համարժեք է հունվարի 1-ին: Հունվարի 13-ը համարժեք է դեկտեմբերի 31-ին:
Նոր` Գրիգորյան տոմարը, հաստատվել է 1582թ. հոկտեմբերին:
Բաժանորդագրվեք մեր ալիքին Telegram-ում