«Արմենպրես»-ն ու «Վիքիմեդիա Հայաստան»-ը կազմակերպում են սեմինար լրագրողների համար
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» լրատվական գործակալությունը և «Վիքիմեդիա Հայաստան» նախաձեռնող խումբը կազմակերպում են սեմինար լրագրողների համար:
Սեմինարի նպատակն է լրագրողներին ներկայացնել «Համաշխարհային Վիքիմեդիա» հիմնադրամի և տարբեր երկրների «Վիքիմեդիա» մասնաճյուղերի գործունեության փորձը, ինչպես նաև գործարկվող Վիքի նախագծերը` Վիքիպեդիա, Վիքիդարան, Վիքիգրքեր, Վիքիլուրեր և այլն:
Մասնակից լրագրողները կստանան դրանցից օգտվելու վերաբերյալ հիմնական գիտելիքներ, կտեղեկանան եվրոպական երկրների լրագրողների համագործակցության փորձին «Վիքիմեդիա» նախագծերում:
Սեմինարին տեսական գիտելիքներ տրամադրելուց բացի, հնարավորություն կստեղծվի գործնական հմտությունների կատարելագործման համար: Սեմինարը կազմված կլինի շնորհանդեսից, հարց ու պատասխանից և գործնական մասից: Սեմինարն ավելի արդյունավետ եւ առարկայական դարձնելու նպատակով նախընտրելի է, որ լրագրողները մասնակցեն իրենց լափթոփներով:
Սեմինարը տեղի կունենա 2012թ. դեկտեմբերի 15-ին` ժամը 11.00-ին, «Արմենպրես» լրատվական գործակալության մամուլի սրահում` Սարյան 22:
Բաժանորդագրվեք մեր ալիքին Telegram-ում