Գյումրիից պատգամավոր ընտրվեց Արման Սահակյանը
ԵՐԵՎԱՆ, ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության Ազգային ժողովի մեծամասնական ընտրակարգով լրացուցիչ ընտրությունների քվեարկության արդյունքւմ Գյումրի քաղաքն ընդգրկող թիվ 35 ընտրատարածքում Հայաստանի Հանրապետական կուսակցության ներկայացուցիչ Արման Սահակյանը ստացել է ձայների մեծամասնությունը` 13 337 քվե: Ինչպես«Արմենպրես»-ին տեղեկացրին ՀՀ կենտրոնական ընտրական հանձնաժողովից, Հայոց Համազգային շարժման անդամ Մուրադ Գրիգորյանն ստացել է 3 237 քվե: Անճշտություններ չկան:
Ազգային Ժողովում թափուր մանդատ առաջացավ, երբ Գյումրիից ընտրված պատգամավոր, «Բարգավաճ Հայաստան» կուսակցության ներկայացուցիչ Սամվել Բալասանյանն ընտրվեց Գյումրիի քաղաքապետ:
Ընտրությունների վերջնական արդյունքները կամփոփվեն դեկտեմբերի 5-ին:
Դեկտեմբերի 2-ին թիվ 1 ընտրատարածքի 35 ընտրատեղամասերում, նախնական տվյալներով, ընտրություններին մասնակցած 23 հազար 830 ընտրողից 18 հազար 806-ը քվեարկել են Ռոբերտ Սարգսյանի օգտին: «Ժառանգություն» կուսակցությունից Ստյոպա Սաֆարյանը ստացել է 3 հազար 680 քվե, Հայաստանի ժողովրդական կուսակցությունից Էդուարդ Պետրոսյանի օգտին քվեարկել է ընդամենը 461 քաղաքացի:
Բաժանորդագրվեք մեր ալիքին Telegram-ում