1000х90.jpg (78 KB)

Երևանում՝ 11:07,   29 Մարտ 2024

Ադրբեջանում ձևավորվել է «կացնային» դիվանագիտություն. Դավիթ Բաբայան

 Ադրբեջանում ձևավորվել է «կացնային» դիվանագիտություն. Դավիթ 
Բաբայան

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Ռամիլ Սաֆարովին մայորի կոչում շնորհելը շատ ցածր կոչում է, առնվազն նրան պետք էր մարշալի կոչում շնորհվեր, քանի որ Ադրբեջանում կուռք դարձած մարդասպանի համար ծախսվել է միլիոնավոր դոլարներ: «Արմենպրես»-ի հետ զրույցում նման կարծիք հայտնեց Լեռնային Ղարաբաղի Հանրապետության նախագահի աշխատակազմի, տեղեկատվության և հասարակայնության հետ կապերի վարչության պետ Դավիթ Բաբայանը: «Ադրբեջանում ձևավորվել է նոր` «կացնային» դիվանագիտություն, որի առաքելությունն է կացնով սպանել քնած հայորդիներին, այնուհետև Իլհամի փողերով ազատվել բանտից: Սա ցոււյց է տալիս Ադրբեջանի ոչ թե ուժեղ, այլ թույլ ուժը, բարոյալքված վիճակը»,- ասաց Բաբայանը:

Նրա խոսքով` Սաֆարովի քայլը ոչ թե զինվորականության, այլ թուլության նշան էր, քանի որ լավ զինվորը չի կարող սպանել քնած հակառակորդին: «Սա ևս մեկ անգամ վկայում է այն փաստը, որ Ադրբեջանը չի կարող պայքարել ոչ միայն կարճատև, այլև երկարատև պատերազմում»,- նկատեց Բաբայանը:

Ադրբեջանի պաշտպանության նախարար Սաֆար Աբիեւը սեպտեմբերի 1-ին ադրբեջանական բանակի լեյտենանտ Ռամիլ Սաֆարովին մայորի կոչում է շնորհել:

2004 թվականի փետրվարի 19-ին Բուդապեշտում ադրբեջանցի ոճրագործ սպա Ռամիլ Սաֆարովը կացնահարեց Հայաստանի ԶՈւ սպա Գուրգեն Մարգարյանին քնած ժամանակ: Սպաները Հունգարիայի մայրաքաղաքում մասնակցում էին անգլերենի դասընթացներին ՆԱՏՕ-ի ծրագրի շրջանակում: Հունգարիայի դատարանը դատապարտեց Ռամիլ Սաֆարովին ցմահ բանտարկության առանց ներման իրավունքի առաջին 30 տարիներին: 2012թ-ի օգոստոսի 31-ին Հունգարիայի իշխանությունները որոշում են կայացրել արտահանձնել Սաֆարովին Ադրբեջանին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]