Պակիստանում հանրահավաքի ժամանակ իրականացված պայթյունի հետեւանքով 6 մարդ Է զոհել, 10-ը՝ վիրավորվել
12:27, 13 Հուլիս 2012
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Պակիստանի Բելուջիստանի նահանգի մայրաքաղաք Կվետայում Ժողովրդական ազգային կուսակցության հանրահավաքի ժամանակ հուլիսի 13-ին իրականացված պայթյունի հետեւանքով 6 մարդ Է զոհել, 10-ը՝ վիրավորվել: Զոհվածների թվում են քաղաքական կուսակցության տարածաշրջանային բաժանմունքի ղեկավարն ու նրա կինը, հաղորդում Է «Արմենպրես»-ը՝ հղում անելով «Դոուն նյուս» հեռուստաալիքին:
Ռումբն ամրացված Է եղել բեմահարթակի հետեւում թողնված հեծանվին եւ գործել Է հանրահավաքի սկսվելուց 15 րոպե անց: Պայթյունի հետեւանքով մասամբ կամ ամբողջովին ոչնչացել Է մոտակայքում կայանված հինգ ավտոմեքենա:
Բոլոր տուժածներին տեղափոխել են հիվանդանոց: Ոստիկանությունը շրջափակել Է պատահարի վայրը եւ միջադեպի հետաքննություն սկսել:
Բաժանորդագրվեք մեր ալիքին Telegram-ում