Հայ առաքելական Սբ Կարապետ եկեղեցի է բացվել Ռանչո Միրաժում
ՌԱՆՉՈ ՄԻՐԱԺ, 9 ՀՈՒՆՎԱՐԻ, ԱՐՄԵՆՊՐԵՍ: Սուրբ Կարապետ հայկական առաքելական եկեղեցին օծվել եւ հավատացյալների առջեւ դռները բացել է հունվարի 7-ին ԱՄՆ Կալիֆորնիա նահանգի Ռանչո Միրաժ քաղաքում: Կոաչելա Հովտի հայերը տարիներ շարունակ հաճախել են Լոս Անջելեսի կամ Սան Դիեգոյի եկեղեցիներ եւ օգտվել եկեղեցական ծառայություններից, օգտագործվել են նաեւ Ռանչո Միրաժում տեղակայված եկեղեցական շինությունները: Տեղի հայերի համար, սակայն, դա երկրպագելու լավագույն ճանապարհը չէր, նրանք նախատեսել էին կառուցել իրենց սեփական եկեղեցին Կոաչելայի Հովտում: Ձեռնարկը մեկնարկել էր դեռեւս 10 տարի առաջ:
Ինչպես հաղորդում է «Արմենպրես»-ը` վկայակոչելով http://www.mydesert.com-ը,
ավելի քան 150 մարդ է դիտել արարողությունը եկեղեցու ներսում, մի քանի տասնյակը` մուտքի մոտից եւ շատերը` հեռուստացույցով: Արարողակարգն իրականացրել է Լոս Անջելեսում հայկական առաքելական եկեղեցու Արեւմտյան թեմի ղեկավար արքեպիսկոպոս Հովնան Դերդերյանը:
Բաժանորդագրվեք մեր ալիքին Telegram-ում