Ժամանակը Երևանում՝ 11:07:36,   22 Ապրիլ

Տնտեսական աճի բարձր ցուցանիշն ապահովվել է արդյունաբերության մի շարք ճյուղերի զարգացման շնորհիվ


ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Անցած տարվա ընթացքում բյուջեի հիմնական չափանիշները կատարվել են: Ինչպես հաղորդում է «Արմենպրես»-ը, այս մասին դեկտեմբերի 27-ին լրագրողների հետ հանդիպման ժամանակ այս մասին հայտարարեց ՀՀ ԱԺ ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը:

«Տնտեսական աճի բավականին բարձր ցուցանիշ ունենք, դրանում կարևորվում է նաև արդյունաբերության մի շարք ճյուղերի զարգացումը»,- ասաց նա:

Բացասական միտումներից Մինասյանը նշեց, որ հնարավոր չի եղել կանխել անկումը շինարարության ոլորտում:

«Մենք փոխել ենք ՀՆԱ-ի կառուցվածքը, շինարարության բուն կառուցվածքում ավելացել են տնտեսությունը սպասարկող ճյուղերը: Այնպես որ, նայելով ապագային, կարծում եմ, պետք է լինենք բավականին լավատես»,- շեշտեց պատգամավորը:

Նրա կարծիքով՝ մի շարք ոլորտներում Հայաստանի արտահանման ներուժը շատ մեծ է և այն պետք է օգտագործվի:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ