Վարձած մարմնավաճառը սեփական դուստրն էր
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Զիմբաբվեի Նկուլումանե քաղաքի բնակիչ'երեք երեխաների հայր 50-ամյա Տիտուս Նքուբեն, գրեթե կաթվածահար էր եղել, երբ հյուրանոցային համարում պատվիրված մարմնավաճառի դերում հայտնաբերել էր 20-ամյա դստերը: Ինչպես հաղորդում է «Արմենպրես» -ը'վկայակոչելով լիբանանյան http://www.elnashra.com -ը, Տիտուս Նքուբեն ընտանեկան խնդիրներից թեթեւանալու նպատակով, որոշում է վարձել մարմնավաճառ' հյուրանոցային համար պատվիրելով Նկուլումանեի հյուրանոցներից մեկում:
Տեսնելով հորը' աղջիկը հեկեկալով դուրս է եկել հյուրանոցային համարից եւ փախել:
«Ես զղջում եմ իմ արարքի համար: Ես զրուցել եմ կնոջս ու աղջկաս հետ եւ որոշել եմ նրան վերադարձնել ընտանիք: Ես չեմ մեղադրում աղջկաս պատահածի համար: Կարծում եմ, որ նրա քայլը ընտանեկան խնդիրներից խուսափելու հուսահատ արարք էր»,- նշել է հայրը: Նրա խոսքով' դուստրն իր ուսումը պետք է շարունակի մյուս տարվանից:
Ինչ վերաբերում է Տիտուս Նքուբեին, նրանց ամուսական հարաբերությունների խորհրդատուն կօգնի հաղթահարել ամուսնական կյանքի դժվարին ժամանակաշրջանը:
Տիտուսի կինն իր հերթին նշել է, որ հանուն երեխաների, կմնա ամուսնու կողքին:
Բաժանորդագրվեք մեր ալիքին Telegram-ում