Ժամանակը Երևանում՝ 11:07:36,   31 Մարտ

Արցախում կառուցվելիք քաղաքը կբերի տարածաշրջանային տնտեսական լուծումներ. ադրբեջանահայերը տքնաջան աշխատում են այդ ուղղությամբ

Արցախում կառուցվելիք քաղաքը կբերի տարածաշրջանային տնտեսական 
լուծումներ. ադրբեջանահայերը տքնաջան աշխատում են այդ ուղղությամբ

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Ադրբեջանահայությունը բոլոր բարոյական ու իրավական իրավունքներն ունի բնակություն հաստատելու ազատագրված տարածքներում, իր բնակության հարմարավետության համար կառուցելու քաղաք: Նման հայտարարությամբ այսօր լրագրողների հետ հանդիպմանը հանդես եկավ Ադրբեջանի եւ Նախիջեւանի փախստականների համագումարի նախագահության քարտուղար Մարիամ Ավագյան` հավելելով, որ քաղաքը նախատեսվում է մի շրջանում, որը կարող է աճել ու զարգանալ: Հաշվի են առնվում տարածաշրջանային միջպետական տնտեսական հարաբերությունների զարգացման հեռանկարները:

«Բագարան քաղաքը ընկած է լինելու մի հատվածում, որը լայն տնտեսական հնարավորություններ է ունենալու հետագայում: Ներկա պահին քաղաքի հնարավոր կառուցումը գտնվում է ծրագրային փուլում, սակայն նրա իրականացման բոլոր հիմքերը կան, քանի որ մենք տքնաջան աշխատում ենք այդ ուղղությամբ»,- նշեց Մարիամ Ավագյանը:

Իրավաբան Անդրեաս Ղուկասյանն իր հերթին ասաց, որ քաղաքի կառուցումը առաջ է բերում խնդիրներ ու հարցեր մի շարք հարթություններում` տնտեսական, քաղաքական, ֆինանասական, քաղաքաշինական, բարոյական, իրավական: «Դրանց մի մասի լուծումը ինքնին ենթադրվում է, սակայն բարդ է խնդիրը` ֆինանսական միջոցների հայթայթման ուղղությամբ: Սակայն, այդ պարագայում էլ, նշենք, որ ադրբեջանահայությունն այս ընթացքում հաջողեցրել է ստեղծել սեփական բիզնեսն ու ամրապնդվել անկախացած Հայաստանում, աշխարհի այլ պետություններում: Գտնում ենք, որ վերջիններս նույնպես շախագրգռված կլինեն այս նախագծի իրականացման գործում»,- հավաստիացրեց իրավաբանը:

Հայաստանում Ադրբեջանի եւ Նախիջեւանի փախստականների համագումարը հանդես էր եկել նախաձեռնությամբ` ներկայիս Արցախի Հանրապետության Քաշաթաղի շրջանում կառուցելու նոր քաղաք` Բագարան անվամբ:





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ