1000х90.jpg (78 KB)

Երևանում՝ 11:07,   29 Մարտ 2024

Հայերը ոչ ավանդական սեռական կողմնորոշում ունեցող անձանց խոցելի չեն համարում

Հայերը ոչ ավանդական սեռական կողմնորոշում ունեցող անձանց խոցելի չեն 
համարում

ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Ոչ ավանդական սեռական կողմնորոշում ունեցող անձանց մասին հայ հասարակության պատկերացումները դեռ ձեւավորված չեն: Գիտելիքի տեսանկյունից այն համարվում է հիվանդություն, նրանց նկատմամբ հասարակության վերաբերմունքը բացասական է, դիրքորոշումը' դատապարտելի: Ինչպես այսօր լրագրողների հետ հանդիպման ժամանակ ասաց «Սոցիոսկոպ» հասարակական ուսումնասիրությունների եւ խորհրդատվության կենտրոնի սոցիոլոգ Արուս Հարությունյանը, այս տարի սոցիոլոգիական հետազոտություն է անցկացվել Երեւանում, Գյումրիում եւ Վանաձորում' ԼԳԲՏ (լեսբուհի, գեյ, բիսեքսուալ, տրանսգենդեր) անձանց հանդեպ հանրային վերաբերմունքը վերլուծելու համար: Ըստ նրա' հետազոտությունը նպատակ է ունեցել պարզել խոցելի խմբերը ՀՀ-ում, տեղեկացվածությունը ԼԳԲՏ անձանց մասին, վերաբերմունքն ու դիրքորոշումը նրանց հանդեպ: Հանրապետության երեք քաղաքներում իրականացվել է 1 156 հարցազրույց:

«Հարցվողներն առանձնացրել են սոցիալական խմբերը, որոնք, իրենց կարծիքով, խոցելի են: Նրանցից 31.3 տոկոսն առանձնացնում է հաշմանդամություն ունեցող անձանց, 24.8 տոկոսը կարծում է, որ խոցելի են ծերերն ու թոշակառուները, իսկ ԼԳԲՏ անձանց' 6.3 տոկոսը»,- ասաց նա:

Ինչպես նշեց սոցիոլոգը, Վանաձորում, մնացած երկու քաղաքների համեմատ, մեծ տոկոս են կազմում այն հարցվողները, ովքեր կարծում են, որ այս սոցիալական խմբին պատկանող անձինք ընդհանրապես չկան' 5.1 տոկոս, դրան հակառակ' երեւանցիներն ամենաշատն են տեղեկացված այս հարցի վերաբերյալ' 44.6 տոկոս:

«Հանրային տեղեկատվություն եւ գիտելիքի կարիք» հասարակական կազմակերպության նախագահ Մամիկոն Հովսեփյանի խոսքով' ցանկացած պետության բնակչության 4-ից 5 տոկոսը կազմում են սեռական փոքրամասնությունները: Ըստ նրա' պետք է հասարակության մեջ ճիշտ կարծիք ձեւավորել այս հարցի շուրջ, բացահայտել հասարակական կյանքի տարբեր ոլորտներում ԼԳԲՏ անձանց խնդիրները:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]