ՎԱՐՇԱՎԱ, 22 ՆՈՅԵՄԲԵՐԻ, ԱՐՄԵՆՊՐԵՍ: Աշխարհում Քրիստոսի ամենաբարձր արձանն օծվել եւ բացվել Է Լեհաստանի արեւմուտքի Սվեբոձին քաղաքում: Այդ մասին հաղորդել Է Լեհաստանի TVN24 հեռուստաալիլքը: Արձանի բարձրությունը 36 մետր Է, դա վեց մետրով ավելի Է Ռիո դե Ժանեյրոյի՝ Քրիստոսի հռչակավոր արձանից: Հուշարձանի կանգնեցման գաղափարը ծնվել Է տակավին 10 տարի առաջ: Շինարարությունն ընթացել Է մի քանի փուլով եւ ավարտվել նոյեմբերի 6-ին:

Քրիստոսի քանդակը՝ լայն տարածված ձեռքերով , որը գտնվում Է 16,5 մետր բարձրությամբ բլրի վրա, երեւում Է դեպի Սվեբոձին ձգվող մայրուղով բոլոր անցնողներին: Արձանի բարձրությունը՝ 33 մետր, խորհրդանշում Է Քրիստոսի կյանքի տարիները, եւս երեք մետրի Է հասնում վիթխարի պսակը: Տարածված ձեռքերի լայնությունը 25 մետր Է, հուշարձանի քաշը շուրջ 440 տոննա Է: Տեղական զանգվածային լրատվամիջոցները չեն հաղորդում, թե որքան Է արժեցել արձանի կանգնեցումը: Շինարարությունը կատարվել Է մասնավոր նվիրատվությունների հաշվին: