Մխ. Հերացու անվան հրապարակի եւ կիսանդրու բացման արարողություն` Երեւանում
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Մխիթար Հերացու անվան Երեւանի պետական բժշկական համալսարանի 90-ամյակին նվիրված հոբելյանական միջացառումների շրջանակում այսօր տեղի է ունեցել Մխ. Հերացու անվան հրապարակի եւ Մխ. Հերացու կիսանդրու բացման հանդիսավոր արարողությունը, որին ներկա է եղել նաեւ Հայաստանի Հանրապետության փոխվարչապետ, տարածքային կառավարման նախարար, համալսարանի 90-ամյակի հոբելյանական հանձնաժողովի նախագահ Արմեն Գեւորգյանը:
Ինչպես «Արմենպրես»-ին տեղեկացրին ՀՀ տարածքային կառավարման նախարարության հասարակայնության հետ կապերի բաժնից, Երեւանի ավագանու հունիսի 23-ի որոշմամբ` Շարիմանյան եւ Հերացու փողոցների հատման մասում գտնվող հրապարակն այսուհետ կրելու է 12-րդ դարի հայ խոշորագույն բժշկապետ Մխիթար Հերացու անունը:
Կիսանդրին տեղադրվել եւ հրապարակը բարեկարգվել է Մխ.Հերացու անվան պետական բժշկական համալսարանի նախաձեռնությամբ:
Կիսանդրու հեղինակը Յուրա Պետրոսյանն է, ճարտարապետը` Ասլան Մխիթարյանը:
Բաժանորդագրվեք մեր ալիքին Telegram-ում