Ժամանակը Երևանում՝ 11:07:36,   15 Նոյեմբեր

Գյումրիի նորակառույց «Անիե թաղամասում օծվեց Սբ Հակոբ Մծբինեցի եկեղեցին


ԳՅՈՒՄՐԻ, 29 ՕԳՈՍՏՈՍԻ. ԱՐՄԵՆՊՐԵՍ (սեփ. թղթ. Հակոբ Հարությունյան): Այսօր Գյումրի ժամանեց Ամենայն հայոց Գարեգին Բ կաթողիկոսը՝ քաղաքի Անի թաղամասում կառուցված Սուրբ Հակոբ Մծբինեցի եկեղեցու Ավագ խորանը օծելու առաքելությամբ: Հանդիսությանը մասնակցելու համար Գյումրիում էր նաեւ ամերիկահայ բարերար Սարգիս Հակոբյանի գերադաստանը, որը 1 մլն 132 հազար դոլար է նվիրաբերել իր թոռնուհի Անի-Արաքս Հակոբյանի մեկենասությամբ եկեղեցի կառուցելու նպատակին: Գյումրիի Անի թաղամասի միաձույլ երկաթբետոնե գորշ շենքերի մեջ, Խաչի հրապարակում վեր հառնած տաճարը, իր 2,5 հա բարեկարգ շրջապատով, շահեկանորեն առանձնանում է վարդագույն տուýե հանդերձով: Հանգուցյալ ճարտարապետ Բաղդասար Արզումանյանի մտահղացումը կյանքի է կոչել Մկրտիչ Լամբարյանի ղեկավարած շինարարական կազմակերպությունը, իսկ հարթաքանդակների հեղինակը Գագիկ Բաղդասարյանն է: Տաճարն ունի հսկայածավալ թմբուկի վրա վեր բարձրացող գմբեթ ու չորս զանգակատուն: 28 մետր բարձրությամբ կառույցում, հայ եկեղեցաշինության ավանդներին զուգահեռ, կիրառվել են ժամանակակից կոնստրուկցիաներ: Տաճարի հիմնարկեքը 2002 թ. կատարել էր հայոց Հայրապետը: Արարողուծյունը բացվեց Շիրակի թեմի առաջնորդ Միքայել եպիսկոպոս Աջապահյանի օրհնանքի ու շնորհակալանքի խոսքով՝ ուղղված բոլոր նրանց, ում նվիրումով, գործուն մասնակցությամբ այսօր Անի թաղամասի հավատացյալներն աղոթատեղի ունեցան: Այնուհետեւ հայոց Հայրապետի հանդիսապետությամբ օծվեց եկեղեցու Ավագ խորանը, որին հետեւեց կաթողիկոսի պատգամը հավատացյալներին: Նա պատգամեց գյումրեցիներին՝ ամուր պահել հավատը, քանզի իրենց հավատի զորությամբ են դիմացել դաժան փորձությունների: Նա անուն առ անուն հիշեց ու օրհնեց բոլորին, ովքեր աջակցել ու նպաստել են հոգեւոր տաճարի վերհառնումին: Գարեգին Բ կաթողիկոսը Հայաստանում քրիստոնեությունը պետական կրոն հռչակելու 1700-ամյակի «Պատվո շքանշանե հանձնեց բարերար Սարգիս Հակոբյանին, Սբ Հակոբ Մծբինեցու եկեղեցուն փոխանցեց Սուրբ հաղորդության սկիհը, իսկ բարերարի թոռնուհուն նվիրեց եկեղեցու դրվագված պատկերը: Հանդիսությունն ավարտվեց անդրանիկ պատարագով: Եկեղեցու օծման արարողությանը ներկա էին Շիրակի մարզպետ üելիքս Փիրումյանը, Հայաստանում ԱՄՆ-ի դեսպան Ջոն Օրդվեյը, ԱՄՆ-ի Միջազգային զարգացման գործականլության Հայաստանի գրասենյակի տնօրեն Քիթ Սիմենսը, Հայ բարեգործական ընդհանուր միության նախագահ Լուիզ Մանուկյան-Սիմոնը, բազմահազար գյումրեցիներ, հոգեւորականներ:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ