Երևանում՝ 11:07,   27 Մայիս 2024

Վարդենիս քաղաքում կառուցվել և գործում է նոր մարզահրապարակ

Վարդենիս քաղաքում կառուցվել և գործում է նոր մարզահրապարակ

ԳԱՎԱՌ, 23 ԱՊՐԻԼԻ, ԱՐՄԵՆՊՐԵՍ։ Գեղարքունիքի մարզի Վարդենիս քաղաքում կառուցվել և գործում է  ժամանակակից մարզասարքավորումներով հագեցած մարզահրապարակ։

Ինչպես «Արմենպրես»-ը տեղեկացավ Վարդենիսի համայնքապետարանի աշխատակազմից, մարզահրապարակի բացման արարողությանը մասնակցել են համայնքի ղեկավարի առաջին տեղակալ Կարեն Մկրտչյանը, Վարդենիսի համայնքապետարանի, համայնքի կրթամշակութային հաստատությունների աշխատակիցներ, մարզասերներ։

Մարզահրապարակը կառուցվել է  «Ազատություն» հասարակական կազմակերպության միջոցներով։

Համայնքի ղեկավարի առաջին տեղակալը շնորհակալություն հայտնել բարերարին և  ասել, որ մարզահրապարակի գործարկմամբ  Վարդենիսում մարմնամարզությամբ ու մարմնակոփությամբ  զբաղվելը կդառնա առավել մատչելի ու մասսայական բնույթ կկրի:

«Մարզահրապարակը նվիրված է Արցախյան պատերազմներում զոհված մեր տղաների վառ հիշատակին։ Ամեն անգամ այստեղ գալով, մարզվելով՝ նորովի ենք հիշելու   այն սխրանքների մասին, որոնք քաջազուն տղաները կատարեցին հանուն մեր Հայրենիքի ազատության, անկախության, բարօրության։ Նոր սերունդները պետք է խոնարհումով հիշեն նրանց ու նաև պարտավորվեն՝ շարունակեն մեր քաջերի կիսատ թողած գործերը»,-ասել  է Կարեն Մկրտչյանը։

 

Խոսրով Խլղաթյան


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am