Երևանում՝ 11:07,   30 Մայիս 2024

ԲՏԱ նախարարությունը նախատեսում է Սյունիքի, Վայոց Ձորի և Գեղարքունիքի մարզերում տեխնոլոգիական ոլորտի բազային գիտելիքներ մատուցել

ԲՏԱ նախարարությունը նախատեսում է Սյունիքի, Վայոց Ձորի և Գեղարքունիքի 
մարզերում տեխնոլոգիական ոլորտի բազային գիտելիքներ մատուցել

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ։ Հայաստանի բարձր տեխնոլոգիական արդյունաբերության նախարարությունը նախատեսում է տեխնոլոգիական ոլորտի բազային գիտելիքներ մատուցել Հայաստանի 3 մարզերում՝ Սյունիքում, Վայոց Ձորում և Գեղարքունիքում, շուրջ 300 մասնակցի համար: 

«Արմենպրես»-ի հաղորդմամբ՝ ապրիլի 15-ին կայացած մամուլի ասուլիսի ժամանակ այս մասին հայտնեց ՀՀ բարձր տեխնոլոգիական արդյունաբերության  նախարար Մխիթար Հայրապետյանը։ 

««Մասնագետների պատրաստման բարձրագույն ուսումնական հաստատություններ մասնավոր հատված» ծրագրում կատարվել են փոփոխություններ: Այս տարի ծրագիրն իրականացվել է հետևյալ ուղղություններով՝ մասսայական ուսուցում, որի շրջանակներում նախատեսվում է տեխնոլոգիական ոլորտի բազային գիտելիքներ մատուցել 3 մարզերում՝ Սյունիքում, Վայոց Ձորում, Գեղարքունիքում, շուրջ 300 մասնակիցների համար»,- ներկայացրեց Հայրապետյանը:  

Կարողությունների զարգացման ուղղության մասով նախարարը նշեց՝ դրամաշնորհներ կհատկացվեն ՏՏ ոլորտին նոր աշխատողների ներգրավման և աշխատակիցների մասնագիտական կարողությունների զարգացման նպատակով:  

«Գործնական հմտությունների կատարելագործում բաղադրիչի ներքո նախատեսում ենք եռօրյա միջոցառումներ կազմակերպել բարձր տեխնոլոգիաների ոլորտի կազմակերպությունների, ինչպես նաև գիտական և տեխնոլոգիական կենտրոնների մասնակցությամբ»,- եզրափակեց նախարարը:  


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am