Երևանում՝ 11:07,   31 Մայիս 2024

ԵՄ-ում ապրիլի 16-ին հնարավոր է քննարկեն Իրանի դեմ պատժամիջոցների հարցը

ԵՄ-ում ապրիլի 16-ին հնարավոր է քննարկեն Իրանի դեմ պատժամիջոցների հարցը

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: ԵՄ երկրների ԱԳ նախարարությունների ղեկավարները կարող են Իրանի դեմ պատժամիջոցների հարցը քննարկել ապրիլի 16-ին կայանալիք տեսակոնֆերանսի ընթացքում, սակայն Եվրահանձնաժողովը չի մեկնաբանում պատժամիջոցների պատրաստման գործընթացը, քանի որ այն գաղտնի է:

Ինչպես «Արմենպրես»-ը տեղեկանում է ՌԻԱ Նովոստի գործակալությունից, այդ մասին Բրյուսելում կայացած ճեպազրույցում հայտնել է ԵՄ արտաքին քաղաքականության ծառայության պաշտոնական ներկայացուցիչ Փեթեր Ստանոն։

«ԱԳ նախարարությունների ղեկավարների խորհրդակցությանը կքննարկվեն Իրանի կողմից էսկալացիային ուղղված հետագա քայլերը»,- ասել է ԵՄ արտաքին քաղաքականության ներկայացուցիչ Պիտեր Ստանոն՝ պատասխանելով հարցին, թե երբ կարող են նոր սահմանափակումներ մտցնել Իրանի դեմ։

Միևնույն ժամանակ նա հավելել է, որ Իրանի ներկայացուցիչները (ֆիզիկական անձինք և կազմակերպություններ) արդեն իսկ պատժամիջոցների ցուցակներում են ներառված Եվրամիության մի քանի պատժամիջոցների ռեժիմներին համապատասխան, սակայն պատժամիջոցների մշակման և ընդունման համար պատասխանատու են ԵՄ երկրները: Եվրահանձնաժողովում նման գործընթացները չեն մեկնաբանում՝ դրանց գաղտնիության պատճառով։

«Իրանի ներկայացուցիչներն արդեն եվրոպական պատժամիջոցների տակ են գտնվում տարբեր ռեժիմների շրջանակներում... Ցանկացած պատժամիջոցի մշակումն ու ընդունումը կատարվում է անդամ պետությունների տնօրինությամբ, մենք նման գործընթաց չենք կանխատեսում, քանի որ այն գաղտնի է», - պարզաբանել է Ստանոն։

Ավելի վաղ Եվրահանձնաժողովի ղեկավարը հայտարարել էր, որ ԵՄ-ում կարող են Իրանի դեմ պատժամիջոցների ընդլայնման հարցը դիտարկել Իսրայելի վրա հարձակումից հետո։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am