Երևանում՝ 11:07,   19 Ապրիլ 2024

Մակրոնը կաջակցի Կիևի համար ԵՄ սահմաններից դուրս զինամթերք գնելու՝ Պրահայի պլաններին․ Bloomberg

Մակրոնը կաջակցի Կիևի համար ԵՄ սահմաններից դուրս զինամթերք գնելու՝ 
Պրահայի պլաններին․ Bloomberg

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնն այս շաբաթ, ամենայն հավանականությամբ, կհայտարարի, որ Փարիզը կաջակցի ԵՄ սահմաններից դուրս գտնվող երկրներում Ուկրաինայի համար զինամթերք ձեռք բերելու Չեխիայի առաջարկին: «Արմենպրես»-ի փոխանցմամբ՝ այդ մասին հաղորդում է Bloomberg-ը՝ հղում անելով աղբյուրների:

«Աղբյուրները նշել են, որ Գերմանիան, Նիդեռլանդները և Դանիան միացել են Ֆրանսիային՝ աջակցելու ԵՄ-ից դուրս արտադրված զինամթերք գնելու ծրագրին: Մակրոնն այդ գաղափարը կքննարկի Չեխիայի վարչապետ Պետր Ֆիալայի հետ երեքշաբթի օրը` մարտի 5-ին, Պրահա ուղևորության ժամանակ», - հաղորդում է գործակալությունը։

Փետրվարին կայացած Մյունխենի անվտանգության խորհրդաժողովում Չեխիայի նախագահ Պետր Պավելը վստահեցրել էր, որ Պրահան տվյալներ ունի Կիևին մի քանի շաբաթվա ընթացքում 155 մմ տրամաչափի 500 հազար արկ և 122 մմ տրամաչափի 300 հազար արկ մատակարարելու հնարավորության մասին։ Սակայն այդ մատակարարումները հարկավոր է ֆինանսավորել։ Միևնույն ժամանակ նախագահը չէր նշել հնարավոր մատակարարներին:

Պրահայում հայտնել են, որ ստացել են Կանադայի, Դանիայի, Լիտվայի և Լատվիայի նախնական համաձայնությունը նախաձեռնությանը մասնակցելու համար։ Անցյալ շաբաթ Լեհաստանի վարչապետ Դոնալդ Տուսկի հետ հանդիպումից հետո Ֆիալան ասել էր, որ Վարշավան նույնպես պատրաստակամություն է հայտնել միանալու ծրագրի իրագործմանը։

Գործակալության զրուցակիցը, սակայն, պարզաբանել է, որ ԵՄ-ում ոմանք չափազանց լավատեսական են համարում արկերի ապագա գնումների` Չեխիայի կողմից հնչեցված թվերը։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]