Երևանում՝ 11:07,   28 Մայիս 2024

Կուբայում անցկացվում է Սիգարի միջազգային փառատոնը

Կուբայում անցկացվում է Սիգարի միջազգային փառատոնը

ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հավանայում փետրվարի 26-ին մեկնարկել է Սիգարի միջազգային փառատոնը, որն այնտեղ անցկացվում է արդեն 24-րդ անգամ։ Փառատոնն իր շուրջն է հավաքել 108 երկրների ավելի քան 2900 մասնագետների, գործարարների և սիգարը գնահատողների: «Արմենպրես»-ի փոխանցմամբ՝ այդ մասին հայտնել է ՏԱՍՍ-ի թղթակիցը:

Ավանդաբար փառատոնի անցկացման վայրը դարձել է Համագումարների պալատը, որտեղ իրենց արտադրանքն են ներկայացնում սիգար արտադրողները և «հաբանոս» (habanos՝ այսպես են սիգարներն անվանում Կուբայում) պահելու համար հյումիդորներ՝ ձեռագործ տուփեր պատրաստողները:

Փառատոնի ծրագրով նախատեսված են ֆորումի մասնակիցների այցելություններ հանրապետության արևմուտքում գտնվող ծխախոտի պլանտացիաներ և մայրաքաղաքի սիգարի գործարաններ: Բացի այդ, հյուրերը կկարողանան մասնակցել տարբեր վարպետաց դասերի, այդ թվում՝ սիգար փաթաթելու:

Անցած տարիներին Հավանայի սիգարի փառատոնի հյուրերն են եղել այնպիսի հայտնի մարդիկ, ինչպիսիք են գրականության բնագավառում Նոբելյան մրցանակի դափնեկիր Գաբրիել Գարսիա Մարկեսը, ամերիկացի դերասան և քաղաքական գործիչ Առնոլդ Շվարցենեգերը, բրիտանացի մոդել Նաոմի Քեմփբելը:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am