Երևանում՝ 11:07,   16 Ապրիլ 2024

Հարավային Կորեան կուժեղացնի արտահանման վերահսկողությունը Ռուսաստանի և Բելառուսի նկատմամբ

Հարավային Կորեան կուժեղացնի արտահանման վերահսկողությունը Ռուսաստանի 
և Բելառուսի նկատմամբ

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հարավային Կորեան կուժեղացնի դեպի Ռուսաստան և Բելառուս արտահանման վերահսկողությունն այն ապրանքների համար, որոնք կարող են օգտագործվել ռազմական նպատակներով։ «Արմենպրես»-ի փոխանցմամբ՝ այս մասին հաղորդում է Yonhap գործակալությունը։

Այս հայտարարությունից առաջ Հարավային Կորեան փաստացի կամ հնարավոր ռազմական օգտագործման 682 անուն ապրանք էր ավելացրել Ռուսաստան և Բելառուս առաքման համար արգելված ապրանքների ցանկում։

«Նախարարությունը կուժեղացնի արտահանման վերահսկողության իրականացումը կից կազմակերպությունների հետ կապերի շրջանակներում, քանի որ ավելի շատ փորձեր կլինեն՝ խուսափելու արտահանման վերահսկողությունից, և շրջանցող ուղիներով մատակարարումների թվաքանակը կավելանա», - ասվում է Հարավային Կորեայի առևտրի, արդյունաբերության և էներգետիկայի նախարարության հայտարարության մեջ:

Գերատեսչությունում հավելել են, որ Հարավային Կորեան ջանքեր կգործադրի՝ արտահանողներին տեղեկացնելու վերահսկվող ապրանքների թարմացված ցանկի մասին՝ չթույլատրված արտահանումը կանխելու համար։

Ռուսաստան և Բելառուս արգելված ապրանքների ցանկը 682 անունով համալրելուց հետո ցուցակում ապրանքների ընդհանուր թիվը հասել է 1159-ի։ Դրանց թվում են ծանր շինարարական սարքավորումները, վերալիցքավորվող մարտկոցները, ավիացիոն բաղադրիչներն ու մեխանիզմները:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]