Երևանում՝ 11:07,   13 Ապրիլ 2024

Զելենսկին հանդիպել է Ուկրաինայում հավատարմագրված դեսպանների հետ

Զելենսկին հանդիպել է Ուկրաինայում հավատարմագրված դեսպանների հետ

ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ։ Ուկրաինայի նախագահ Վլադիմիր Զելենսկին փետրվարի 22-ին հանդիպում է ունեցել Ուկրաինայում հավատարմագրված դեսպանների և միջազգային կազմակերպությունների ներկայացուցիչների հետ։ Այս մասին հաղորդում է «Արմենպրես»-ը՝ վկայակոչելով Ուկրաինայի նախագահի մամուլի ծառայության տարածած հաղորդագրությունը։   

Հանդիպմանը ներկա է եղել նաև Ուկրաինայում ՀՀ արտակարգ և լիազոր դեսպան Վլադիմիր Կարապետյանը։

Զելենսկին շնորհակալություն է հայտնել օտարերկրյա դիվանագետներին Ռուսաստանի ծավալած ռազմական գործողությունների ընթացքում Ուկրաինայում մնալու և երկրին աջակցելու համար։

«2024 թվականին մենք պետք է հնարավորինս շատ բան անենք այս պատերազմը միջազգային իրավունքի հիմնարար սկզբունքներին և ՄԱԿ-ի կանոնադրության նորմերին համապատասխան ավարտելու համար», - ասել է Զելենսկին։

Նա նշել է, որ դրա համար պետք է հստակ խնդիրներ լուծել, որոնցից առաջինն ուկրաինացիներին պաշտպանելն է։ Զելենսկին շնորհակալություն է հայտնել Ուկրաինային պաշտպանական, մակրոֆինանսական և հումանիտար աջակցություն ցուցաբերող գործընկերներին։

Երկրորդ խնդիրն, ըստ Զելենսկիի, Ուկրաինայի Խաղաղության բանաձևի շուրջ աշխարհը միավորելն է։

«Խաղաղության բանաձևը կարող է յուրաքանչյուր ազգի բերել իրական, արդարացի և հստակ խաղաղություն», - ասել է Ուկրաինայի ղեկավարը՝ հավելելով, որ դրա շնորհիվ կարելի է կատարել կարևոր հումանիտար առաջադրանք՝ հայրենիք վերադարձնել Ռուսաստան արտաքսված ուկրաինացի երեխաներին և մեծահասակներին, այդ թվում՝ ռազմագերիներին ու քաղբանտարկյալներին։

Ուկրաինայի նախագահի խոսքով՝ երրորդ խնդիրը գործընկերների հետ համատեղ աշխատանքն է՝ ընդլայնելու պաշտպանության ոլորտում համագործակցությունը և ավելացնելու Ռուսաստանի վրա ճնշումը, որպեսզի Մոսկվան չկարողանա շրջանցել պատժամիջոցները:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]