Երևանում՝ 11:07,   25 Ապրիլ 2024

Իսպանիայում բազմաբնակարան շենքում խոշոր հրդեհ է բռնկվել․ կա 4 զոհ

Իսպանիայում բազմաբնակարան շենքում խոշոր հրդեհ է բռնկվել․ կա 4 զոհ

ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ։ Իսպանիայի Վալենսիա քաղաքի բարձրահարկ բազմաբնակարան շենքերից մեկում խոշոր հրդեհ է բռնկվել, որի հետևանքով առնվազն 4 մարդ է զոհվել։ Այս մասին հաղորդում է «Արմենպրես»-ը՝ վկայակոչելով El Pais-ը։

Եվս 19 մարդ անհետ կորած է, 14 հոգի վիրավորվել է։

Հրդեհը բռնկվել է 14-հարկանի շենքում, որն ուներ մոտ 450 բնակիչ, այնուհետև տարածվել է հարևան շենքում։

Հրշեջները մարդկանց փրկել են պատշգամբներից ամբարձիչ կռունկների օգնությամբ։

Ուժգին քամիները նպաստել են կրակի տարածմանը, սակայն տարբեր ԶԼՄ-ներ նշում են, որ հրդեհի արագ տարածման պատճառը շենքի երեսպատման համար օգտագործված դյուրավառ նյութերն են։

Հրդեհը բռնկվել է փետրվարի 22-ի երեկոյան, հրշեջներին հաջողվել է կրակը մարել փետրվարի 23-ի վաղ առավոտյան։

Իսպանիայի վարչապետ Պեդրո Սանչեսը խոսել է Վալենսիայի իշխանությունների հետ՝ նրանց առաջարկելով անհրաժեշտ ողջ օգնությունը։ X սոցիալական հարթակի իր էջում նա զորակցություն է հայտնել հրդեհից տուժածներին և շնորհակալություն հայտնել տեղում աշխատող արտակարգ ծառայությունների աշխատակիցներին։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]