Երևանում՝ 11:07,   24 Փետրվար 2024

Ռաֆահում իսրայելական ավիահարվածների զոհերի թիվն ավելացել է

Ռաֆահում իսրայելական ավիահարվածների զոհերի թիվն ավելացել է

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ։Գազայի հատվածի Ռաֆահ քաղաքում Իսրայելի 2 գերիների ազատ արձակման համար իրականացված ավիահարվածների զոհերի թվի մասին հակասող տեղեկություններ են ստացվում։ «Արմենպրես»-ի փոխանցմամբ՝ այս մասին հաղորդում է BBC-ն։

Պաղեստինյան ազգային վարչակազմը, որը վերահսկում է Հորդանան գետի արևմտյան ափը, հայտնել է Ռաֆահում 100 զոհի մասին։ Պաղեստինյան ազգային վարչակազմի արտգործնախարարությունը դատապարտել է Իսրայելի հարձակումը Ռաֆահում՝ դա անվանելով «կոտորած»։

Պաղեստինյան ՀԱՄԱՍ արմատական շարժումը, որը վերահսկում է Գազայի հատվածը, հայտնել է, որ իսրայելական ավիահարվածների հետևանքով զոհվել է առնվազն 67 պաղեստինցի։

Ինչպես ավելի վաղ հայտնել էր «Արմենպրես»-ը, Իսրայելը հատուկ գործողություն է իրականացրել ավիահարվածների ուղեկցությամբ, որի արդյունքում ազատ է արձակել Եգիպտոսի հետ սահմանին գտնվող Ռաֆահ քաղաքում պահվող 2 պատանդի։ Ավելի վաղ հաղորդվում էր իսրայելական հարվածներից 37 զոհի մասին։

Հոկտեմբերի 7-ին ՀԱՄԱՍ-ի զինյալների ներխուժման հետևանքով Իսրայելում 1200 մարդ էր զոհվել, շուրջ 250 մարդ՝ գերեվարվել։ Իսրայելը ՀԱՄԱՍ-ի ոչնչացման նպատակով ռազմական գործողություններ է սկսել Գազայի հատվածում, որտեղ զոհերի թիվը գերազանցել է 28 300-ը, գրեթե 68 000 մարդ վիրավորվել է։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]