Երևանում՝ 11:07,   21 Մայիս 2024

Ֆրանսիան «անցանկալի անձ» է հայտարարել Ադրբեջանի դեսպանատան 2 աշխատակցի

Ֆրանսիան «անցանկալի անձ» է հայտարարել Ադրբեջանի դեսպանատան 2 
աշխատակցի

ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ։ Ֆրանսիան «անցանկալի անձ» է հռչակել Փարիզում Ադրբեջանի դեսպանատան երկու աշխատակցի՝ ի պատասխան պաշտոնական Բաքվի քայլի, որն օրերս «անցանկալի անձ» էր հռչակել Ֆրանսիայի դեսպանատան երկու աշխատակցի։

Ինչպես հաղորդում է «Արմենպրես»-ը, Ֆրանսիայի արտաքին գործերի նախարարության հայտարարության մեջ նշվում է, որ Ֆրանսիան ի գիտություն է ընդունել Ադրբեջանի կողմից Բաքվում Ֆրանսիայի դեսպանատան դիվանագիտական անձնակազմի երկու աշխատակցի «անցանկալի անձ» հայտարարելը։ Միևնույն ժամանակ նշվում է, որ Ֆրանսիան կտրականապես հերքում է այն մեղադրանքները, որոնք Բաքուն ներկայացրել է իր որոշումը հիմնավորելու համար։

Նշվում է, որ որպես պատասխան քայլ՝ Ֆրանսիան «անցանկալի անձ» է հայտարարել Փարիզում Ադրբեջանի դեսպանատան 2 գործակալի, Ֆրանսիայում Ադրբեջանի դեսպանն ԱԳՆ է կանչվել։

Ադրբեջանը դեկտեմբերի 26-ին «անցանկալի անձ» էր հռչակել Ֆրանսիայի դեսպանատան երկու աշխատակցի, Ադրբեջանում  Ֆրանսիայի դեսպան Անն Բոյոնը կանչվել էր ԱԳՆ։ Բաքուն 48 ժամ էր տվել ֆրանսիացի դիվանագետներին երկիրը լքելու համար։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am