Երևանում՝ 11:07,   23 Ապրիլ 2024

Նոր տարին կբերի խաղաղություն, շատ սեր ու բարություն. բացվեց ամանորյա Seasons Park Station-ը

Նոր տարին կբերի խաղաղություն, շատ սեր ու բարություն. բացվեց ամանորյա 
Seasons Park Station-ը

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ։ «Նոր տարին կբերի խաղաղություն, շա՜տ սեր, շա՜տ բարություն, շա՜տ ջերմություն ու հոգատարություն». այս կարգախոսով և մաղթանքներով բացվեց Seasons Park Station-ը։

2.JPG (8.34 MB)

Այս տարի Seasons Park Station-ի բացման միջոցառումն արցախյան շնչով էր։ Ելույթ ունեցան Լեռնային Ղարաբաղի տաղանդավոր երեխաներն ու մշակութային խմբերը՝ «Լիլիթ Ավանեսյան և սաները», Հադրութի երեխաների «Դիզակ Արտ մշակութային կենտրոնը»։ Երեկոն վարում էին ԼՂ-ի ամենաերիտասարդ բլոգեր Տիգրանը (TigranBlog) և դերասանուհի, հաղորդավարուհի Տոմա Պետրոսյանը։

2024 թվականը մենք դիմավորում ենք ԼՂ-ի մեր հայրենակիցների հետ, և միջոցառման գլխավոր նպատակն էր հատկապես երեխաների համար ստեղծել այնպիսի միջավայր, որտեղ նրանք կզգան անսպառ սերն ու հոգատարությունը, կհավատան Ամանորի հեքիաթին ու հրաշքին, և Ամանորը կդիմավորեն մի մեծ ընտանիքով՝ մտապահելով վեհ ու պայծառ երազանքներ։

001-01.12-SeasonsParkOpening-DSCF7080.jpg (4.76 MB)

Սիզընս այգում կազմակերպված միջոցառումը մեկն էր «Երեմյան Փրոջեքթս» ընկերության՝ ԼՂ մեր հայրենակիցներին, նրանց ինտեգրմանն ուղղված նախաձեռնություններից և ծրագրերից։ «Երեմյան Փրոջեքթս»-ի հասարակայնության հետ կապերի բաժնի ղեկավար Անահիտ Գևորգյանի հաղորդմամբ՝ այս ընթացքում «Երեմյան Ակադեմիայում» խոհարարության, հրուշակագործության և սպասարկման ոլորտի արագացված անվճար դասընթացներ են կազմակերպվել՝ կարճ ժամանակում անհրաժեշտ հմտություններ փոխանցելու համար, Ընկերությունում օպերատիվ կերպով կազմակերպվել է ԼՂ-ից տեղահանված թիմակիցների աշխատանքի անցնելու գործընթացը։ Նախաձեռնություններից մեկն էլ իրականացվում է ԼՂ-ի տաղանդավոր գեղանկարիչների և արվեստագետների համագործակցությամբ.

«Մեր ամենամյա կորպորատիվ օրացույցները, որոնք միշտ հստակ թեմատիկա և ուղղվածություն են ունենում, այս անգամ լինելու են ԼՂ-ի տաղանդաշատ նկարիչների կտավներով, որտեղ ներկայացված է ԼՂ-ն, ԼՂ-ի չքնաղ բնապատկերը, մշակույթն ու կոլորիտը։ Իսկ Seasons Park Station-ի բացման միջոցառումը մաս է կազմում «Երեմյան Փրոջեքթսի» ընդհանուր քաղաքականության և ծրագրերի։ Այս տարվա ուղերձն էր, որ Նոր տարին կբերի շատ սեր, ջերմություն, հոգատարություն և, իհարկե, խաղաղություն։ Սա ոչ միայն մեր ուղերձն է, այլև մեծագույն երազանքն ու ցանկությունը։ Մեր ամբողջ սերն ու հոգատարությունը մենք փոխանցելու ենք մեր հայրենակիցներին, քաղաքի հյուրերին ու բնակիչներին՝ հուսալով, որ 2024 -ը կիրականացնի բոլորիս երազանքները»,-նշեց Անահիտ Գևորգյանը։

DSC02881.JPG (5.72 MB)

Միջոցառման մասնակից խմբերից «Դիզակ Արտ» մշակութային, երիտասարդական կենտրոնի համահիմնադիր Երազիկ Հայրիյանը նշեց.

«Մենք շատ բարդ տարի ունեցանք։ Բոլորիս պետք էր զգալ և համոզվել, որ մենք միասնական ենք։ Լինելով Լեռնային Ղարաբաղից՝ մենք մեր երգերով, ազգային պարերով փորձեցինք բոլորին փոխանցել այնտեղի շունչը, անել ամեն բան, որպեսզի թե՛ մեծերը ու թե՛ երեխաները հավատան իրենց երազանքին, որը, վստահ եմ, բոլորիս մտքում նույնն է»։ 

Արցախցի տաղանդաշատ երիտասարդները վարպետության դասեր են անցկացնելու, լինելու են ԼՂ-ի անուշաբույր աղանդերի և ժենգյալով հացի օրեր, այգում արցախցիներին տրամադրվելու են անվճար տաղավարներ՝ իրենց արտադրանքը ներկայացնելու համար։ Seasons Park Station-ում դեկտեմբեր ամսին տարբեր միջոցառումներ և թեմատիկ երեկոներ են նախատեսված։

SER_6706.JPG (11.58 MB)

Seasons Park Station-ի բացման միջոցառման ամենագեղեցիկ և խորհրդանշական մասը, հեքիաթային և գունեղ տոնածառի լույսերի վառման արարողությունն էր։ Խաղաղությունը որպես միասնական երազանք պահելով՝ Ձմեռ Պապն ու հաղորդավարները վառեցին տոնածառի լույսերը։ Իսկ հյուրերը ստացան անակնկալ նվերներ այգում ներկայացված գործընկերների կողմից։

«Սիզընս այգին» արդեն երրորդ տարին  է՝ ամանորին ընդառաջ վերածվում է թեմատիկ այգու՝ հեքիաթային, ջերմ ու գունեղ Seasons Park Station-ի, որի ընդհանուր կոնցեպտը երկաթուղային կայարանն է իր սիրո երջանկության և ժպիտների կայարաններով։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]