ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Գերմանիայի պաշտպանության նախարար Բորիս Պիստորիուսը չհայտարարված այցով ժամանել է Կիև։ «Արմենպրես»-ի փոխանցմամբ՝ Ուկրաինայի պաշտպանության նախարար Ռուստեմ Ումերովը Պիստորիուսի հետ հանդիպմանը շնորհակալություն է հայտնել 1 միլիարդ եվրոյի ռազմական աջակցության համար։

«Ուրախ եմ հանդիպել իմ գերմանացի գործընկեր Բորիս Պիստորիուսին։ Շնորհակալություն Բունդեսվերին 1 միլիարդ եվրոյի ռազմական օգնության փաթեթի համար, որը պետք է ամրապնդի Ուկրաինայի հակաօդային պաշտպանությունը մինչև ձմեռ», - գրել է Ումերովը X սոցիալական հարթակում։

Նա նշել է, որ ռազմական օգնության փաթեթը ներառում է նաև 10 Leopard1 տանկեր։

Ըստ գերմանական ԶԼՄ-ների՝ Բորիս Պիստորիուսը նաև բանակցություններ կվարի Ուկրաինայի նախագահ Վլադիմիր Զելենսկիի հետ:

Glad to meet my  colleague @PistoriusBoris.

Thanks to @BMVg_Bundeswehr for 1 bn EUR military aid package to strengthen Ukrainian Air Defence before winter, including 10 Leopard1 tanks.

We also plan to extend defence-industrial cooperation between our countries. pic.twitter.com/Sxur0Kal4j

— Rustem Umerov (@rustem_umerov) October 12, 2023