Երևանում՝ 11:07,   19 Ապրիլ 2024

ԼՂ-ում պայթյունի վայրից մինչև օրս հայտնաբերվել է 170 աճյուն և մասունք

ԼՂ-ում պայթյունի վայրից մինչև օրս հայտնաբերվել է 170 աճյուն և մասունք

ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղում սեպտեմբերի 25-ին վառելիքի պահեստում տեղի ունեցած աղետի տարածքում փրկարարական խմբերը շարունակում են իրականացնել որոնումներ։ 

«Արմենպրես»-ի փոխանցմամբ՝ այս մասին հայտնում են ՆԳՆ արտակարգ իրավիճակների պետական ծառայությունից:

«Մինչ օրս նույն տարածքից հայտնաբերվել և դատաբժշկական փորձաքննության բյուրո է տեղափոխվել` ընդհանուր 170 աճյուն և մասունք, իսկ անձնական իրերը` օպերատիվ շտաբ։

Աճյուններն ու մասունքները կտեղափոխվեն Հայաստանի Հանրապետություն` ԴՆԹ միջոցով ինքնությունները պարզելու համար»,-ասված է հայտարարությունում:

Ստեփանակերտ-Ասկերան ավտոճանապարհի հարակից տարածքում վառելիքի պահեստում սեպտեմբերի 25-ին պայթյուն էր տեղի ունեցել: Կան զոհեր ու վիրավորներ: Պահեստի պայթյունից հետո սանիտարական ավիացիայով Լեռնային Ղարաբաղից Հայաստան տարհանվել են այրվածքներով քաղաքացիներ:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]