Երևանում՝ 11:07,   24 Ապրիլ 2024

Իրանը մինչև տարեվերջ ևս 2 արբանյակ կարձակի. Հաջիզադե

Իրանը մինչև տարեվերջ ևս 2 արբանյակ կարձակի. Հաջիզադե

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Իսլամական հեղափոխության պահապանների կորպուսի (ԻՀՊԿ) օդատիեզերական ուժերի հրամանատար բրիգադի գեներալ Ամիր Ալի Հաջիզադեն հայտարարել է, որ մինչև տարեվերջ ևս երկու արբանյակ կարձակվի ուղեծիր։ Նա հիշեցրել է, որ սեպտեմբերի 27-ին հաջողությամբ ուղեծիր է դուրս բերվել «Նուր-3» արբանյակը։ Այդ մասին «Արմենպրես»-ը տեղեկանում է ԻՐՆԱ գործակալությունից:

Սեպտեմբերի 27-ին Իրանում մշակված «Նուր-3» արբանյակի արձակումից հետո հանդես գալով լրագրողների առջև` ԻՀՊԿ օդատիեզերական ուժերի հրամանատարը հայտարարել էր, որ արբանյակը հաջողությամբ ուղեծիր է արձակվել Երկրի մակերևույթից 450 կիլոմետր բարձրության վրա:

«Մոտ ապագայում մենք ուղեծրում կունենանք արբանյակների համակարգ», - ասել է գեներալ Հաջիզադեն՝ արբանյակային տեխնոլոգիաների մշակման ոլորտում բարձր գնահատելով Իրանի առաջընթացի տեմպերը:

Այնուհետև հրամանատարը պատասխանել է ԻՀՊԿ օդատիեզերական ուժերի ապագա պլանների վերաբերյալ հարցին՝ ասելով. «Եթե մենք կարողանանք, ապա մինչև տարեվերջ (21.03.2024) կիրականացնենք ևս երկու արձակում»։

2022 թ. մարտին ԻՀՊԿ-ի օդատիեզերական ուժերն ուղեծիր են դուրս բերել «Նուր-2»-ը, իսկ դրանից երկու տարի առաջ՝ «Նուր-1»-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]