Երևանում՝ 11:07,   15 Ապրիլ 2024

Կախովկայի ՀԷԿ-ի փլուզման հետևանքով առաջացած ջրհեղեղից Խերսոնում տուժել է հայկական համայնքի 2 ներկայացուցիչ

Կախովկայի ՀԷԿ-ի փլուզման հետևանքով առաջացած ջրհեղեղից Խերսոնում 
տուժել է հայկական համայնքի 2 ներկայացուցիչ

ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ։ Կախովկայի ՀԷԿ-ի փլուզման հետևանքով առաջացած ջրհեղեղից տուժածներ կան նաև Խերսոնի հայ համայնքի ներկայացուցիչների շրջանում։

Ինչպես հաղորդում է «Արմենպրես»-ը, ուկրաինահայ քաղաքական վերլուծաբան Մարատ Հակոբյանը AnalitikaUA-ին հայտնել է, որ Ուկրաինայի հայերի միությունը Խերսոնի մարզում ակտիվորեն ներգրավված է խերսոնցիներին օգնություն տրամադրելու բոլոր միջոցառումներում։

«Կան տուժածներ տեղական համայնքի ներկայացուցիչների շրջանում, և Ուկրաինայի հայերի միությունը Խերսոնի մարզում ակտիվորեն ներգրավված է խերսոնցիներին օգնություն տրամադրելու բոլոր միջոցառումներում։ Բնականաբար, օգնություն է ցուցաբերվում ոչ միայն հայերին, այլ բոլոր խերսոնցիներին, որոնք դրա կարիքն ունեն»,- ասել է նա։

Մարատ Հակոբյանն «Արմենպրես»-ին հայտնեց, որ հայկական համայնքից տուժել է 2 մարդ։

Խերսոնի տարածաշրջանի հայկական համայնքի ղեկավար Տիգրան Մկրտչյանն էլ AnalitikaUA-ին հայտնել էր, որ համայնքն ակտիվորեն համագործակցում է Խերսոնի մարզի և Խերսոն քաղաքի ռազմաքաղաքացիական ադմինիստրացիաների հետ՝ տուժածներին էվակուացնելու և տեղավորելու հարցում։ Հայկական մի շարք համայնքներ արդեն իսկ հանդես են եկել տուժածներին իրենց շրջաններում տեղավորելու նախաձեռնությամբ։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]