Երևանում՝ 11:07,   25 Ապրիլ 2024

Պայմանավորվածություն է ձեռք բերվել Իրանին միացնել ՌԴ-ի, Թուրքիայի և Սիրիայի միջև շփումներին. Լավրով

Պայմանավորվածություն է ձեռք բերվել Իրանին միացնել ՌԴ-ի, Թուրքիայի և Սիրիայի միջև շփումներին. Լավրով

 ԵՐԵՎԱՆ, 31 ՀՈւՆՎԱՐԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը հայտարարել է, որ պայմանավորվածություն է ձեռք բերվել Իրանին ՌԴ-ի, Թուրքիայի և Սիրիայի միջև եռակողմ շփումներին միացնելու շուրջ: Այդ մասին «Արմենպրես»-ը տեղեկանում Է «РИА Новости» գործակալությունից:

Լավրովն ընդգծել է, որ Ռուսաստանը սատարում է Անկարայի շահագրգռվածությունը Դամասկոսի հետ հարաբերությունների կարգավորման հարցում և աշխատանքն այս ուղղությամբ կզարգացնի։ «Բնական Է, որ այժմ սկզբունքային պայմանավորվածություն է ձեռք բերվել նաև այդ աշխատանքում Իրանին ներգրավելու շուրջ»,- ասել է ՌԴ ԱԳ նախարարը Եգիպտոսի արտգործնախարարի հետ բանակցությունների արդյունքների շուրջ կայացած մամուլի ասուլիսում:

ՌԴ ԱԳՆ ղեկավարը հիշեցրել է, որ և՛ Ռուսաստանը, և՛ Իրանը, և՛ Թուրքիան մտնում են «Աստանայի եռյակի» մեջ, որոնք զբաղվում են սիրիական ճգնաժամի կարգավորմամբ։ «Ուստի ես տրամաբանական եմ համարում, որ թուրք-սիրիական հարաբերությունների կարգավորմանն ուղղված հետագա շփումներն ընթանան ՌԴ-ի և Իրանի հետ միասին: Ինչ վերաբերում է մասնակցության ժամկետներին և կոնկրետ ձևաչափերին՝ զինվորականների, թե դիվանագետների մակարդակով, դա մշակվում է», - հավելել Է նախարարը։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]