1000х90.jpg (78 KB)

Երևանում՝ 11:07,   29 Մարտ 2024

Խաչանովին ոչ ոք չի ասել դադարեցնել Արցախին աջակցող հաղորդագրությունները՝ չնայած Ադրբեջանի գրությանը

Խաչանովին ոչ ոք չի ասել դադարեցնել Արցախին աջակցող 
հաղորդագրությունները՝ չնայած Ադրբեջանի գրությանը

ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Ավստրալիայի բաց առաջնության կիսաեզրափակչի մասնակից Կարեն Խաչանովն ասում է, որ թենիսի առաջնության կազմակերպիչները իրեն չեն ասել, որ դադարեցնի Արցախին աջակցող ուղերձներ գրել։ «Արմենպրես»-ի փոխանցմամբ՝ այս մասին հաղորդում է ավստրալիական 7News պարբերականը:

Հայկական ծագում ունեցող ռուսաստանցի 26-ամյա թենիսիստը խաղից հետո հեռուստատեսային տեսախցիկի օբյեկտիվի վրա գրել է այնպիսի հաղորդագրություններ, ինչպիսիք են՝ «Ամո՛ւր մնա, Արցախ» և «Շարունակի՛ր հավատալ մինչև վերջ: Արցա՛խ, դիմացի՛ր»։

Լրատվամիջոցը նշում է, որ այսպիսով Խաչանովն իր աջակցությունն է հայտնել Արցախի ժողովրդին, որը մեկ ամիս է՝ Ադրբեջանի կողմից շրջափակման մեջ է:

«Ես հայկական արմատներ ունեմ հայրական կողմից, պապիկիս, նույնիսկ մորս կողմից, ես կիսով չափ հայ եմ: Ես պարզապես ուզում էի իմ ժողովրդին ցույց տալ ուժ և աջակցություն», - քառորդ եզրափակիչից հետո ասել է Խաչանովը լրագրողներին:

Կարեն Խաչանովի հաղորդագրություններն Ադրբեջանի թենիսի ֆեդերացիայի զայրույթն են առաջացրել: Նրանք Խաչանովի գործողությունները որակել են որպես «ատելության գործողություն» և գրություն են ուղարկել Թենիսի միջազգային ֆեդերացիային՝ պահանջելով միջոցներ ձեռնարկել թենիսիստի դեմ:

Սակայն Խաչանովին ոչ ոք չի ասել, որ նա դադարեցնի հաղորդագրություններ գրելը:

«Ես դրա մասին ոչինչ չեմ լսել, առայժմ ոչ», - ասել է Խաչանովը:

Խաչանովին է միացել նաև Մելբուրնի հայ համայնքը, որը Ավստրալիայի բաց առաջնությանն է եկել Արցախի դրոշներով:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]