Երևանում՝ 11:07,   29 Մայիս 2024

Ադրբեջանը հրետանային հարվածներ է հասցրել անգամ Գեղարքունիքում ՌԴ ԱԴԾ սահմանապահ ուժերի տեղակայման կետին

Ադրբեջանը հրետանային հարվածներ է հասցրել անգամ Գեղարքունիքում ՌԴ ԱԴԾ 
սահմանապահ ուժերի տեղակայման կետին

ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանական ուժերը հարվածներ են հասցրել անգամ Գեղարքունիքի մարզի տարածքում Ռուսաստանի Դաշնության Անվտանգության դաշնային ծառայության սահմանապահ ուժերի տեղակայման կետին:

«Արմենպրես»-ի փոխանցմամբ՝ լուսանկարներ են հրապարակում «Տելեգրամ»-ի ռուսական ալիքները:

Ինչպես երևում է լուսանկարներից՝ հարվածների հետևանքով վնասվել է ռուս սահմանապահների տեղակայման շենքը, ավտոմեքենան:

Նշվում է, որ անձնակազմը հարկադրված է եղել շտապ լքել տեղակայման վայրը:

Սեպտեմբերի 13-ին ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաեւ ԱԹՍ-ներ: Հայկական կողմի կորուստների մասին տվյալները ճշտվում են: Այս պահի դրությամբ հայկական կողմը պաշտպանության նախարարության կողմից հաստատված 49 զոհ ունի: 

Սեպտեմբերի  13-ի լույս 14-ի գիշերը իրադրությունը հայ-ադրբեջանական սահմանին շարունակել է լարված մնալ։ Մասնավորապես՝ Ջերմուկի ուղղությամբ հակառակորդը կիրառել է հարվածային անօդաչու թռչող սարքեր։ Ադրբեջանի զինված ուժերը հրետակոծությամբ թիրախավորում են Ջերմուկի և Վերին Շորժայի ուղղությամբ տեղակայված դիրքերը, ինչպես նաև սահմանամերձ բնակավայրերը:

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am