Արմեն Փամբուխչյանը օգոստոսի 17-20-ը կգործուղվի Ռուսաստանի Դաշնություն
19:50, 9 Օգոստոս 2022
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության արտակարգ իրավիճակների նախարար Արմեն Փամբուխչյանը և Հայաստանի Հանրապետության արտակարգ իրավիճակների նախարարության արտաքին կապերի վարչության միջազգային ծրագրերի բաժնի գլխավոր մասնագետ Ռաֆայել Պողոսյանը օգոստոսի 17-20-ը կգործուղվի Ռուսաստանի Դաշնություն (Մոսկվա): Ինչպես տեղեկացնում է «Արմենպրես»-ը, այս մասին նշված է e-gov.am կայքէջում:
Արմեն Փամբուխչյանը և Ռաֆայել Պողոսյանը կմասնակցեն Հավաքական անվտանգության պայմանագրի կազմակերպության անդամ պետությունների` արտակարգ իրավիճակների հարցերով համակարգող խորհրդի 13-րդ նիստին և 3-րդ միջազգային հրշեջ-փրկարարական համաժողովին:
Բաժանորդագրվեք մեր ալիքին Telegram-ում