Ֆրանսիայի 93 դեպարտամենտներում սահմանափակել են ջրի սպառումը երաշտի պատճառով. BFM
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Ֆրանսիայի իշխանությունները ջրի սպառման սահմանափակումներ են մտցրել 101 դեպարտամենտներից 93-ում՝ սաստիկ երաշտի պատճառով: Ինչպես տեղեկացնում Է «Արմենպրես»-ը, օգոստոսի 5-ին այդ մասին հաղորդել Է BFM հեռուստաալիքը:
Հեռուստաալիքի տվյալներով՝ 62 դեպարտամենտներում հայտարարվել Է տագնապի կարմիր (ամենաբարձր) մակարդակ, որի դեպքում սահմանափակվում Է ջրի օգտագործումը «ցանկացած ոչ առաջնահերթային խնդիրների, այդ թվում գյուղատնտեսական կարիքների համար»: Օգտագործումը թույլատրվում Է սոսկ առողջապահության, անվտանգության, խմելու ջրի սպառման եւ հիգիենայի կարիքների ապահովման» նպատակներով:
Մյուս դեպարտամենտներում ֆերմերներին կարգադրվում Է ջրի օգտագործումը կրճատել 50 տոկոսով: Նաեւ մտցվում են այգիների ջրումների եւ ավտոմոբիլների լվացումների տեղային սահմանափակումներ: Երկրի կառավարությունն օգոստոսի 5-ին Twitter-ում հայտնել Է ճգնաժամային կենտրոնի բացման մասին:
«Ֆրանսիան ապրում Է ամենաչորային շրջանը դիտարկումների պատմության մեջ»,- նշել Է նախարարների կաբինետը: «Այս իրավիճակը կարող Է պահպանվել առաջիկա 15 օրվա ընթացքում»,- նախազգուշացրել Է կառավարությունը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում