Ժամանակը Երևանում՝ 11:07:36,   16 Օգոստոս 2022

Չինական ազգային հագուստը հնարավորություն ունի դառնալ համաշխարհային նորաձևության մասնիկը. լրագրողները հյուրընկալվեցին «Jixiang Zhai» բրենդի խանութում

Չինական ազգային հագուստը հնարավորություն ունի դառնալ համաշխարհային 
նորաձևության մասնիկը. լրագրողները հյուրընկալվեցին «Jixiang Zhai» բրենդի 
խանութում

ՊԵԿԻՆ, 26 ՀՈՒԼԻՍԻ, ԱՐՄԵՆՊՐԵՍ: Չինական ազգային հագուստները մասսայականություն են վայելում երիտասարդների շրջանում և մեծ հեռանկար ունեն համաշխարհային շուկայում: Ինչպես տեղեկացնում է «Արմենպրես»-ի թղթակիցը, Չինաստանի միջազգային մեդիա հաղորդակցության կենտրոնի նախաձեռնած ծրագրին մասնակցող լրագրողների համար «Jixiang Zhai» բրենդի խանութում կազմակերպված հատուկ ընդունելության ժամանակ նման կարծիք հայտնեց խանութի տնօրեն Շի Նանան:

«Կարող եմ ասել, որ չինուհիների հետաքրքրությունը ազգային հագուստի նկատմամբ մեծանում է՝ լինի պարմանուհի, թե հասուն կին: Երիտասարդներն ազգային հագուստով փորձում են մեր պատմության մասը դառնալ»,-ասաց Շի Նանան:

Նա շեշտեց, որ այժմ արտադրվող հագուստներն իրենց մեջ կրում են տարբեր դինաստիաների առանձնահատկությունները, մանր զարդանախշերն էլ բացառիկ գեղեցկություն են հաղորդում հագուստին:

«Չինական ազգային հագուստը գերող է: Այն հնարավորություն ունի դառնալ համաշխարհային նորաձևության մի մասնիկը»,-առանձնացրեց նա:

«Jixiang Zhai» բրենդը հիմնադրվել է 2002 թվականին և արդեն 20 տարվա պատմություն ունի: Բրենդի հիմնադիրը Յանգ Ֆանն է: Բրենդի հիմնադրման միտքը երիտասարդ դիզայների մոտ ծագել է տարիներ առաջ` եվրոպական քաղաքներում շրջելիս: Նա նպատակ է ունեցել աշխարհում հանրահռչակելու չինական ազգային հագուստը:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]