Ըմբիշներն ամփոփեցին Եվրոպայի երիտասարդների առաջնությունը
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի երիտասարդական հավաքականի մարզիչները և Եվրոպայի առաջնության մեդալակիրներն ամփոփեցին առաջնությունը:
«Արմենպրես»-ի մամուլի սրահում լրագրողների հետ հանդիպման ժամանակ Հայաստանի հունահռոմեական ոճի երիտասարդական ընտրանու գլխավոր մարզիչ Արմեն Բաբալարյանն ամփոփ ներկայացրեց Եվրոպայի առաջնության բոլոր քաշային կարգերում հայ մարզիկների գոտեմարտերը և գրանցած արդյունքները:
Հավաքականի մարզիչ Մովսես Կարապետյանն առանձնացրեց, որ մի քանի քաշային կարգերում հայ մարզիկներից այլ սպասելիքներ կային: «Մարզիկների միավորներով բացարձակ հաղթանակները խոսում են այն մասին, որ մարզիկները տեխնիկապես հարուստ են և առավելություն ունեն մրցակիցների նկատմամբ»,-ասաց նա:
Հայաստանի հավաքականի անդամները, Եվրոպայի առաջնության մեդալակիրները ևս ամփոփեցին Եվրոպայի առաջնությունը` ընդգծելով, որ հաջորդ մեծ նպատակը աշխարհի առաջնությունում լավ արդյունք գրանցելն է:
Եվրոպայի երիտասարդական առաջնությանը Հայաստանի հավաքականի կազմում մեդալակիրներ են դարձել ըմբիշներ Աշոտ Խաչատրյանը, Ալբերտ Վարդանյանը, Վիգեն Նազարյանը և Սուրեն Աղաջանյանը:
Մանրամասները` տեսանյութում
Բաժանորդագրվեք մեր ալիքին Telegram-ում