ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Օտարերկրյա դոնորները փետրվարի 24-ից Ուկրաինային են տրամադրել 10,88 միլիարդ դոլար նրա պետական բյուջեի ծախսերի ֆինանսավորման համար, վերջին ժամանակներս այդ միջոցների հոսքը մեծանում Է: Հուլիսի 6-ին այդ մասին հայտնել Է Գերագույն ռադայի պատգամավոր Յարոսլավ Ժելեզնյակը, տեղեկացնում Է «Արմենպրես»-ը:

«Փետրվարի 24-ց մինչեւ հուլիսի 5-ն ընկած ժամակահատվածի տվյալներով՝ միջազգային գործընկերների կողմից պետբյուջեի ֆինանսավորման ծավալը կազմել Է 322,5 միլիարդ գրիվնա (10,88 միլիարդ դոլար)»,- գրել Է նա Telegram-ալիքում: «Տեմպերի ըմբռնման համար նշենք, որ միայն վերջին երկու շաբաթում ֆինանսավորման գումարն ավելացել Է 46 տոկոսով կամ 101,8 միլիարդ գրիվնայով (3,44 միլարդ դոլարով)»,- հավելել Է պատգամավորը:

Ուկրաինայի վարչապետ Դենիս Շմիգալն անցյալ շաբաթ հայտնել Է, որ բյուջետային ծախսերն այս պահին կազմում են 250 միլարդ գրիվնա (8,45 միլիարդ դոլար), հարկերից եւ մաքսերից մուտքերը՝ 70 – 100 միլիարդ գրիվնա (2,35  - 3,4 միլիարդ դոլար): Նրա խոսքով՝ պակասուրդը կազմում Է ամսական 4 – 5 միլիարդ դոլար, այն հատուցում են միջազգային օգնության եւ փոխառությունների հաշվին:

Վարչապետի խոսքով՝ Ուկրաինայի իշխանություններն արեւմտյան երկրների հետ համաձայնության են եկել գրեթե 29 միլիարդ դոլար գումարի ֆինանսական օժանդակության շուրջ: Շմիգալը հայտարարել Է, որ  Ուկրաինայի կողմից սպասվող օգնության ծավալը կազմել Է շուրջ 20 միլիարդ դոլար: Լուգանոյում Ուկրաինայի տնտեսության վերականգնմանը նվիրված միջազգային խորհրդաժողովում Ուկրաինայի իշխանությունները ներկայացրել են երկրի վերականգնման պլանը, որը նախատեսում Է ծախսեր 750 միլիարդ դոլարի ծավալով, հաղորդել Է ՏԱՍՍ-ը: