Ժամանակը Երևանում՝ 11:07:36,   12 Օգոստոս 2022

Ստոլտենբերգը հայտարարել է ՆԱՏՕ-ին Ֆինլանդիայի և Շվեդիայի անդամակցության արձանագրությունների վավերացման մեկնարկի մասին

Ստոլտենբերգը հայտարարել է ՆԱՏՕ-ին Ֆինլանդիայի և Շվեդիայի անդամակցության 
արձանագրությունների վավերացման մեկնարկի մասին

ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: ՆԱՏՕ-ի գլխավոր քարտուղար Յենս Ստոլտենբերգը հուլիսի 5-ին հայտարարել է դաշինքին Շվեդիայի և Ֆինլանդիայի միանալու մասին արձանագրությունների վավերացման գործընթացի մեկնարկի մասին։

«Արմենպրես»-ի հաղորդմամբ,  այս մասին հայտնում է «ՌԻԱ Նովոստի»-ն:

«Այսօր մենք պաշտոնապես կստորագրենք անդամակցության արձանագրությունները, սա սկիզբ կտա վավերացման գործընթացին»,- ասել է նա։

Ստոլտենբերգի խոսքով՝ «ՆԱՏՕ-ի դռները բաց են մնում եվրոպական երկրների համար, որոնք պատրաստ են նպաստել ընդհանուր անվտանգության ապահովմանը»։

Ակնկալվում է, որ ստորագրումից հետո Շվեդիայի և Ֆինլանդիայի անդամակցության արձանագրությունները վավերացման կներկայացվեն Հյուսիսատլանտյան դաշինքի բոլոր անդամների կողմից։ Լրատվամիջոցների տեղեկություններով՝ այս գործընթացը կարող է տևել մի քանի ամիս։

Դաշինքին անդամակցելու արձանագրությունների ստորագրման արարողությանը ներկա են եղել Շվեդիայի և Ֆինլանդիայի արտաքին գործերի նախարարներ Անն Լինդեն և Պեկկա Հաավիստոն։

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]