Ժամանակը Երևանում՝ 11:07:36,   9 Օգոստոս 2022

Արցախի նախագահը մասնակցել է «Շուշիի տեխնոլոգիական համալսարան» հիմնադրամի հոգաբարձուների խորհրդի նիստին

Արցախի նախագահը մասնակցել է «Շուշիի տեխնոլոգիական համալսարան» հիմնադրամի հոգաբարձուների խորհրդի նիստին

ՍՏԵՓԱՆԱԿԵՐՏ, 1 ՀՈՒԼԻՍԻ, ԱՐՄԵՆՊՐԵՍ: Արցախի Հանրապետության նախագահ Արայիկ Հարությունյանի մասնակցությամբ հուլիսի 1-ին տեղի է ունեցել «Շուշիի տեխնոլոգիական համալսարան» հիմնադրամի հոգաբարձուների խորհրդի նիստը:

Ինչպես «Արմենպրես»-ին տեղեկացրին Արցախի Հանրապետության նախագահի աշխատակազմից, օրակարգն հաստատելուց հետո հոգաբարձուների խորհուրդը քննարկման է դրել մոտ մեկ տասնյակ հարցեր, որոնք վերաբերում էին բուհի կառուցվածքի փոփոխությանը, կրթության որակի բարձրացմանն ուղղված քայլերի ձեռնարկմանը, այդ թվում՝ պատերազմի հետևանքով կորցրած լաբորատորիաների վերականգնմանը, ինչպես նաև ինստիտուցիոնալ հավատարմագրման հայտ ներկայացնելու գործընթացին և այլն:

Հանրապետության նախագահը, ով  նաև «Շուշիի տեխնոլոգիական համալսարան» հիմնադրամի հոգաբարձուների խորհրդի անդամ է, իր խոսքում կարևորել է կատարած աշխատանքը՝ նշելով, որ պետք է հետևողական կերպով լուծել բուհի առջև ծառացած  առաջնահերթ խնդիրները և բարձրագույն կրթության արդի չափորոշիչների կիրառման համար ողջամիտ ժամկետներում ապահովել անհրաժեշտ հնարավորություններ և պայմաններ:վ








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]