Հայկ Իշխանյանը՝ «Արարատի» ֆուտբոլիստ
11:10, 28 Հունիս 2022
ԵՐԵՎԱՆ, 28: ՀՈՒՆԻՍԻ, ԱՐՄԵՆՊՐԵՍ: Նոր մրցաշրջանի մեկնարկից առաջ «Արարատի» շարքերն է համալրել փորձառու պաշտպան Հայկ Իշխանյանը:
«Արմենպրես»-ի հաղորդմամբ՝ այս մասին հայտնում է ակումբի մամուլի ծառայությունը:
Հայկ Իշխանյանը ծնվել է 1989 թվականի հունիսի 24-ին, Երևանում: Նա իր կարիերայի ընթացքում հանդես է եկել Գյումրու «Շիրակում», Երևանի «Միկայում», Դիլիջանի «Իմպուլսում», Երևանի «Ալաշկերտում», Կապանի «Գանձասարում», Վանաձորի «Լոռիում» և Երևանի «Փյունիկում»:
Նրա նախորդ ակումբը ԲԿՄԱ-ն էր:
Փորձառու պաշտպանը նաև 13 հանդիպում է անցկացրել Հայաստանի ազգային հավաքականի կազմում և դարձել մեկ գոլի հեղինակ:
Բաժանորդագրվեք մեր ալիքին Telegram-ում