Ժամանակը Երևանում՝ 11:07:36,   9 Օգոստոս 2022

Աղբատարը բախվել է Ռուբինյանց փողոցի «Երևան Սիթի»-ի պարսպին

Աղբատարը բախվել է Ռուբինյանց փողոցի «Երևան Սիթի»-ի պարսպին

ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հունիսի 25-ին, ժամը 22:21-ին ահազանգ է ստացել, որ Երևան քաղաքի Ռուբինյանց փողոցի «Երևան Սիթի» սուպերմարկետի հետնամասում աղբատար ավտոմեքենան բախվել է գազատար խողովակին։

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

«Պարզվել է, որ Դրոյի փողոցի 4-րդ նրբանցքի տներից մեկի մոտակայքում «KamAZ» մակնիշի ավտոմեքենան (վարորդ՝ Ռ․ Գ․, ծնված 1993 թ․) բախվել է «Երևան Սիթի» սուպերմարկետի պարսպի պատին, ինչի հետևանքով պատը մասամբ փլուզվել է (մոտ 8 քմ), պատի վրայով անցնող գազատար խողովակը թուլացել, կախվել է ավտոմեքենայի վրա. գազի արտահոսք չի հայտնաբերվել»,- ասվում է հաղորդագրության մեջ:

Ըստ աղբյուրի՝ փրկարարները սահմանազատել են տարածքը, իրականացրել հերթապահություն՝ մինչ գազի վթարային ծառայության և ոստիկանության աշխատակիցների մոտենալը:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]