Ժամանակը Երևանում՝ 11:07:36,   17 Օգոստոս 2022

ՆԱՏՕ-ի գագաթնաժողովը Մադրիդում պատմական կլինի. Ստոլտենբերգ

ՆԱՏՕ-ի գագաթնաժողովը Մադրիդում պատմական կլինի. Ստոլտենբերգ

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ ՆԱՏՕ-ի գագաթնաժողովը Մադրիդում պատմական կլինի:

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին Ստոլտենբերգն ասել է El Pais-ին տված հարցազրույցում:

«Մադրիդում կայանալիք գագաթնաժողովը վճռորոշ է ՆԱՏՕ-ի համար: Այն պատմական գագաթնաժողով է լինելու մի շարք պատճառներով.  30 գործընկերների հանդիպումը տեղի կունենա Երկրորդ համաշխարհային պատերազմից հետո Եվրոպայում անվտանգության հետ կապված ճգնաժամի ամենասրված շրջանում, կկայացվեն բազմաթիվ կարևոր որոշումներ, մենք պայմանավորվածություններ ենք ձեռք բերելու մեր կոլեկտիվ անվտանգության  խոշոր փոխակերպումների վերաբերյալ, ինչպիսիք չեն եղել սառը պատերազմի ավարտից ի վեր»,-հայտարարել է նա:

Ուկրաինայում ստեղծված ճգնաժամային իրավիճակի շուրջ քննարկումներ ծավալելուց բացի, գագաթնաժողովի շրջանակում նախատեսվում է անդրադառնալ նաև Աֆրիկայի հյուսիսում և Սախելի շրջանում անկայունությանն ու ահաբեկչության թեմային:

Գագաթնաժողովն անցկացվելու է հունիսի 28-30-ը:

 

 

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]