1000х90.jpg (78 KB)

Երևանում՝ 11:07,   28 Մարտ 2024

Ժիրինովսկու հիմնած ՌԼԴԿ-ի նոր ղեկավար է ընտրվել Լեոնիդ Սլուցկին

Ժիրինովսկու հիմնած ՌԼԴԿ-ի նոր ղեկավար է ընտրվել Լեոնիդ Սլուցկին

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Վլադիմիր Ժիրինովսկու հիմնած Ռուսաստանի Լիբերալ-դեմոկրատական կուսակցությունը (ՌԼԴԿ) նոր առաջնորդ ունի: Ինչպես հաղորդում է «Արմենպրես»-ը, վկայակոչելով ռուսական աղբյուրներում հրապարակված տեղեկությունները, ՌԼԴԿ-ի համագումարը կուսակցության նախագահի պաշտոնում ընտրել է Լեոնիդ Սլուցկիին: Տեղեկությունը փոխանցել է ՏԱՍՍ-ը՝ հղում անելով ՌԼԴԿ բարձրագույն խորհրդի ղեկավար Յարոսլավ Նիլովին:

Ռուսաստանի Լիբերալ-դեմոկրատական կուսակցության նոր համագումարի անհրաժեշտությունը առաջացել էր կուսակցության հիմնադիր և անփոփոխ առաջնորդ Վլադիմիր Ժիրինովսկու մահվան պատճառով, որը ղեկավարում էր ՌԼԴԿ-ն շուրջ 32 տարի: Այդ նպատակով մայիսի 27-ին Մոսկվայում գումարվել է ՌԼԴԿ արտահերթ համագումար, որի ընթացքում փակ գաղտնի քվեարկությամբ կուսակցության նոր նախագահ է ընտրվել Լեոնիդ Սլուցկին: Նա այդ պաշտոնում առաջադրված միակ թեկնածուն էր:

Կուսակցության ղեկը ստանձնելուց հետո Սլուցկին հայտարարել է, որ Լիբերալ-դեմոկրատական կուսակցությունը կմնա ընդդիմադիր դաշտում, բայց կառուցողական դիրք կզբաղեցնի: Նոր ղեկավարը նաև համոզմունք է հայտնել, որ ՌԼԴԿ-ն արժանի արդյունք ցույց կտա սեպտեմբերին կայանալիք ընտրություններում:

Լեոնիդ Սլուցկին ՌԴ Պետական դումայում ՌԼԴԿ-ի խմբակցության ղեկավարն է, ինչպես նաև՝ Պետդումայի միջազգային հարցերով մշտական հանձնաժողովի նախագահը:

ՌԼԴԿ հիմնադիր և անփոփոխ ղեկավար Վլադիմիր Ժիրինովսկին կյանքից հեռացել է 2022 թ. ապրիլի 6-ին երկարատև հիվանդությունից հետո: Ավելի ուշ ՌԼԴԿ-ից հայտնել էին, որ առաջիկայում տեղի է ունենալու կուսակցության արտահերթ համագումարը, որի ընթացքում ընտրվելու է կուսակցության բարձրագույն ղեկավարությունը:

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]