1000х90.jpg (78 KB)

Երևանում՝ 11:07,   29 Մարտ 2024

«Այգ-1» արևային ֆոտովոլտային կայանը շահագործման կհանձնվի 2025 թվականին

«Այգ-1» արևային ֆոտովոլտային կայանը շահագործման կհանձնվի 2025 թվականին

ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Հայաստանի տարածքային կառավարման և ենթակառուցվածքների նախարար Գնել Սանոսյանն ընդունել է Աբու Դաբիի «Մասդար» ընկերության ղեկավար Մոհամմեդ ալ-Շեհիի գլխավորած պատվիրակությանը։

«Արմենպրես»-ին ՀՀ տարածքային կառավարման և ենթակառուցվածքների նախարարությունից տեղեկացրին, որ հանդիպման ժամանակ քննարկվել է «Այգ-1» 200 ՄՎտ հզորությամբ արևային ֆոտովոլտային կայանի կառուցման ծրագրի ընթացքը և առաջիկա աշխատանքները։

Ներդրող ընկերության կողմից ներկայացվել է նաև նոր ծրագրեր իրականացնելու մտադրությունը՝ մասնավորապես կուտակիչների հետ համակցված արևային ֆոտովոլտային կայանի կառուցման վերաբերյալ։

«Մասդար Արմենիա ծրագիր» ներդրումային ծրագրի հիման վրա իրականացված 200 ՄՎտ հզորության «Այգ-1» արևային ֆոտովոլտային կայանի կառուցման միջազգային մրցույթի արդյունքում հաղթող է ճանաչվել «Աբու Դաբի Ֆյուչեր Էներջի Քոմփանի» ՀԲԸ («Մասդար») ընկերությունը: «Աբու Դաբի Ֆյուչեր Էներջի Քոմփանի» ՀԲԸ-ն առաջարկել էր 0.0290 ԱՄՆ դոլար/կՎտժ սակագին:

«Այգ-1» կայանի շահագործման մեկնարկը նախատեսվում է 2025 թ.։ Կներդրվի շուրջ 174 մլն դոլար։

Ծրագիրն իրականացվում է Հայաստանի պետական հետաքրքրությունների ֆոնդի` ԱՆԻՖ-ի հետ համատեղ։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]