Ժամանակը Երևանում՝ 11:07:36,   26 Հունիս 2022

Սեւանա լճի մակարդակը շարունակում է բարձրանալ

Սեւանա լճի մակարդակը շարունակում է բարձրանալ

ԳԱՎԱՌ, 25 ՄԱՅԻՍԻ, ԱՐՄԵՆՊՐԵՍ։ 2022 թվականի մայիս ամսի առաջին 24 օրերի ընթացքում Սեւանա լճի մակարդակը բարձրացել է 14 սանտիմետրով։

Ինչպես «Արմենպրես»-ին տեղեկացրին ՀՀ ԱԻՆ «Հայհիդրոմետ» ծառայությունից, 2022 թվականի մայիսի 24-ի դրությամբ Սեւանա լիճը ծովի մակերեւույթից գտնվել է 1900 մետր 66 սանտիմետր բարձրության վրա՝ նախորդ տարվա նույն օրը գրանցված 1900 մետր 88 սանտիմետր նիշի դիմաց։Իսկ այս տարվա մայիսի սկզբին լիճը ծովի մակերեւույթից գտնվել է 1900 մետր 52 սանտիմետր բարձրության վրա։ Նույն աղբյուրի տվյալներով՝ այս տարվա հունվարից մինչեւ մայիսի 24-ն ընկած ժամանակահատվածում Արփա-Սեւան թունելային ջրատարով Սեւանա լիճ է հոսել 104 միլիոն 485 հազար խորանարդ մետր ջուր։ Սեւան թափվող գետերում դիտվել է ջրի ելքերի որոշակի ավելացում։ Ոռոգման նպատակներով առայժմ Սեւանա լճից ջրբացթողումներ չեն իրականացվում։

Խոսրով Խլղաթյան








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]